JW LIBRARY
Pag-download Asin Pagbukas nin mga Publikasyon—Android
Dakul na libro, brosyur, tract, asin mga video na puwede mong basahon asin hilingon offline sa JW Library.
Sundan an mga instruksiyon na ini sa pag-download asin pagbukas nin mga publikasyon:
Mag-download nin Publikasyon
Puwede kang mag-download dawa pirang publikasyon para magbasa o mag-adal offline.
Buksan an navigation drawer, dangan pinduton an Publications para mahiling an lista nin mga publikasyon.
Pinduton an Languages button para mahiling an mga lengguwahe na igwa kaiyan. Pilion an lengguwahe na gusto mong hilingon. Nasa inutan an mga lengguwaheng parati mong ginagamit. Puwede mo man i-type an lengguwahe na hinahanap mo.
Dakul na paagi para mahanap an publikasyon sa JW Library.
Mahihiling sa By Type section an mga publikasyon sa binuksan mong lengguwahe na nakagrupo sigun sa klase kaiyan, arog kan mga libro, tract, o video. An iba kaiyan may dagdag pang pagpipilian. Arog kan mga taon para sa The Watchtower, o mga kategoriya kan video. Pinduton an All Types para makabalik.
Sa What’s New section mahihiling mo an mga publikasyon na kakaluwas pa sana sa lengguwaheng binukasan mo.
An mga publikasyon na dai pa nada-download igwa nin cloud icon. Pinduton an publikasyon na gusto mong i-download. Pag na-download mo na an publikasyon, mawawara na an cloud icon. Pinduton giraray an publikasyon para mabasa iyan.
Sa Downloaded section, mahihiling mo an gabos na pig-download mo sa ano man na lengguwahe. Puwedeng pagsunod-sunudon iyan sigun sa Frequently Used, Rarely Used, o Largest Size.
Mag-delete nin Publikasyon
Puwedeng i-delete an publikasyon na dai mo na kaipuhan o para mabawasan an laog kan gadyet mo.
Buksan an navigation drawer asin pinduton an Publications, dangan pinduton an partikular na grupo nin publikasyon (halimbawa, Books) para sa lista nin mga publikasyon. Sa publikasyon na gusto mong i-delete, pinduton an More button; dangan Delete.
Kun kaipuhan mong bawasan an laog kan gadyet mo, puwede mong i-delete an mga publikasyon na bihira mong gamiton o dakulaon an file. Pinduton an Downloaded section; dangan pagsunod-sunudon iyan sigun sa Rarely Used o Largest Size. I-delete an mga publikasyon na dai mo na kaipuhan.
Mag-update nin Publikasyon
Sa pana-panahon, may mga update sa publikasyon na pig-download mo.
An publikasyon na igwa nin update may markang refresh icon. Pag pinindot mo an publikasyon, may mahihiling kang mensahe na igwa na nin update. Pinduton an Download para mag-update, o an Later para mabuksan an na-download mo nang kopya kaiyan.
Para mahiling kun may update sa arin man na publikasyon na pig-download mo, buksan an navigation drawer, dangan Publications. Kun igwa nin update, mahihiling an Pending Updates section. Pinduton iyan para mahiling an mga may update. Pinduton an publikasyon para ma-update, o pinduton an Update All para ma-download an gabos na may update.
Ilinuwas an mga feature na ini kan Pebrero 2015 sa JW Library 1.4, na puwede sa Android 2.3 o mas halangkaw pa. Kun dai mo pa nahihiling an mga feature na ini, sundan tabi an mga instruksiyon sa artikulo na “Paggamit kan JW Library—Android,” sa irarom kan I-download an Pinakabagong mga Feature.
