JW LIBRARY
Pag-highlight nin mga Text—iOS
Mantang nagbabasa asin nag-aadal kan mga publikasyon sa JW Library, puwede mong i-highlight an mga tataramon o frase.
Sundan an mga instruksiyon na ini sa pag-highlight nin mga text:
Mag-add nin Bagong Highlight
Igwa nin duwang paagi para maka-highlight nin mga tataramon.
Pinduton nin medyo haloy-haloy an tataramon para mapili iyan. Gamiton an mga handle tanganing ma-adjust kun sagkod sain an iha-highlight. Sa maluwas na context menu, pinduton an Highlight button dangan pumili nin kulor na gusto mong gamiton sa pag-highlight nin mga tataramon.
Para ma-highlight an sarong tataramon o frase paagi sa saro sanang gesture, pinduton iyan nin haloy-haloy dangan i-drag na pinapaagihan an mga tataramon. Mantang ginigibo mo iyan, maha-highlight na an mga tataramon. Pag nagibo mo na iyan, maluwas nin madali an menu. Puwede mong gamiton ini tanganing baguhon an kulor kan highlight, o tanganing i-delete iyan.
Baguhon an Highlight
Para mabago an kulor kan highlight, pinduton an na-highlight na tataramon o frase dangan pumili nin bagong kulor. Para mahali an highlight, pinduton an tataramon o frase na naka-highlight dangan pinduton an Delete button.
Ilinuwas an mga feature na ini kan Nobyembre 2015 sa JW Library 1.6, na puwede sa iOS 7.0 pataas. Kun dai mo pa nahihiling an mga feature na ini, sundan tabi an mga instruksiyon sa artikulo na “Paggamit kan JW Library—iOS,” sa irarom kan I-download an Pinakabagong mga Feature.
