JW LIBRARY
Mga Feature na Makakatabang sa Pagbasa—iOS
May mga feature na ilinaag sa JW Library na makakatabang sa pagbasa. Mahihiling ini sa navigation bar sa itaas kan screen pag nagbabasa ka nin kapitulo o artikulo.
Pag pinindot mo an More button may mahihiling ka pang ibang feature.
Sundan an mga instruksiyon na ini para magamit mo an mga feature na makakatabang sa pagbasa:
Ribayan an Lengguwahe
Puwedeng ribayan an lengguwahe kan kapitulo o artikulo na binabasa mo.
Pinduton an Languages button para mahiling an mga lengguwahe na igwa. An lengguwaheng parati mong ginagamit an nasa inutan kan lista. Mahihiling man digdi an pinasimpleng edisyon kan The Watchtower. Puwede mo man i-type an lengguwahe na hinahanap mo.
An mga lengguwaheng dai mo pa nada-download may nakalaag na cloud icon. Pinduton an lengguwahe para i-download an publikasyon. Pag na-download mo na an publikasyon, mawawara na an cloud icon. Pinduton giraray an lengguwahe para mabasa iyan.
Ribayan an Size kan Text
Puwede mong i-adjust sa size na gusto mo an mga letra.
Pinduton an Text Settings button. Hiruon an slider para padakulaon o pasaditon an mga letra. Iyan an magigin size kan letra para sa gabos na publikasyon.
Image o Text View
May mga artikulo na puwedeng mahiling bilang image o text. Puwede kang pumili kun arin sa duwa an gusto mo.
Image View: Sa image view, mahihiling an mismong itsura sa nakaimprentang publikasyon. Gusto ini kan iba lalo na sa mga publikasyon arog kan songbook, na diyan nahihiling an nota kan musika.
Text View: Sa text view, may link an sitadong mga teksto asin puwede man ma-adjust an mga letra sa size na gusto mo.
Open in . . .
Sa feature na Open in . . . puwede mong hilingon an artikulo kan JW Library sa ibang app.
Pinduton an Open in . . . button para mahiling an mga opsiyon. Halimbawa, puwede mong pinduton an Open in Online Library para mabuksan an page na binabasa mo sa Watchtower ONLINE LIBRARY.
I-customize an mga Bibliya
Pag pinindot mo an sitadong teksto sa publikasyon, mahihiling mo an iba-ibang pagkatradusir kaiyan. Pinduton an Customize button sa ibaba para makapili ka nin gusto mong iiba sa lista.
Pinduton an Add o Remove button para magdagdag o magbawas nin traduksiyon. Naitataas man iyan o naibababa depende sa gusto mo.
Hilingon an “Pag-download Asin Pagbukas nin mga Bibliya—iOS” para maaraman kun paano mag-download nin iba pang traduksiyon nin Bibliya sa JW Library.
Ilinuwas an mga feature na ini kan Pebrero 2015 sa JW Library 1.4, na puwede sa iOS 6.0 pataas. Kun dai mo pa nahihiling an mga feature na ini, sundan tabi an mga instruksiyon sa artikulo na “Paggamit kan JW Library—iOS,” sa irarom kan I-download an Pinakabagong mga Feature.
