JW LIBRARY
Pag-download Asin Pagbukas nin mga Bibliya—Windows
Sarong panginot na feature kan JW Library an pag-adal asin pagbasa nin Bibliya.
Sundan an mga instruksiyon na ini sa pag-download asin pagbukas nin mga Bibliya:
Mag-download nin Bibliya
Puwede kang mag-download nin mga traduksiyon nin Bibliya para magamit mo offline.
Sa pinakataas na parte kan screen, pinduton an Bible dangan pinduton an Books para mahiling an lista nin mga libro sa Bibliya.
Buksan an App Commands bar, dangan pinduton an Languages button para sa lista nin mga Bibliya na puwedeng ma-download. Nasa inutan an mga traduksiyon nin Bibliya sa lengguwahe na parati mong ginagamit. Puwede mo man i-type an lengguwahe o traduksiyon nin Bibliya na hinahanap mo. Halimbawa, i-type an “int” para mahanap an Ingles na Kingdom Interlinear o an “port” para sa gabos na Bibliyang Portuguese.
An mga Bibliya na dai mo pa nada-download igwa nin cloud icon. Pinduton an Bibliya na gusto mong i-download. Pag na-download mo na an Bibliya, mawawara na an cloud icon. Pinduton giraray an Bibliya para mabasa iyan.
Kun mayo an Bibliya na hinahanap mo, purbaran sa sunod. Idinadagdag tulos sa lista an bagong Bibliya na puwede nang ma-download.
Mag-delete nin Bibliya
Puwedeng i-delete an Bibliya na dai mo na kaipuhan o para mabawasan an laog kan gadyet mo.
Sa pinakaitaas na parte kan screen, pinduton an Bible, dangan pinduton an Languages button para sa lista nin mga Bibliya. Pinduton an More button sa Bibliya na gusto mong i-delete, dangan pinduton an Delete.
Mag-update nin Bibliya
Sa pana-panahon, may mga update sa Bibliya na pig-download mo.
An Bibliya na may update igwa nin refresh icon. Pag pinindot mo an Bibliya, may mahihiling kang mensahe na igwa na nin update. Pinduton an Download para mag-update, o an Later para mabuksan an na-download mo nang kopya kaiyan.
Ilinuwas an mga feature na ini kan Marso 2015 sa JW Library 1.4, na puwede sa Windows 8.1 pataas. Kun dai mo pa nahihiling an mga feature na ini, sundan tabi an mga instruksiyon sa artikulo na “Paggamit kan JW Library—Windows,” sa irarom kan I-download an Pinakabagong mga Feature.
