JW LIBRARY
Paggamit kan Bookmark—Windows
May bookmark feature an JW Library para mamarkahan mo an binabasa mo, arog kan paglaag nin bookmark sa libro para tandaan kun sain ka na sa binabasa mo. An kada publikasyon sa JW Library may tigsampulong bookmark.
Sundan an mga instruksiyon na ini sa paggamit nin bookmark:
Pag-set nin Bagong Bookmark
Puwede mong bugtakan nin bookmark an artikulo o kapitulo, o an espesipikong parapo o bersikulo sa Bibliya.
Para lagan nin bookmark an sarong artikulo o kapitulo, buksan an App Commands bar, dangan pinduton an Bookmark button. Maluwas an lista kan mga bookmark para sa publikasyon na nakabukas. Pinduton an bakanteng bookmark para malagan nin bookmark an artikulo o kapitulong binabasa mo.
Para lagan nin bookmark an espesipikong parapo o bersikulo sa Bibliya, pinduton nguna iyan, dangan an Bookmark button sa menu na maluwas.
Buksan an Bookmark
Para mabalikan an bookmark, buksan an publikasyon na igwa kan bookmark, asin buksan an App Commands bar, dangan pinduton an Bookmark button. Pinduton an bookmark na gusto mong mahiling.
Paghali Asin Pagribay nin mga Bookmark
Puwedeng i-delete o salidahan an laog kan nagamit mong bookmark.
Para mag-delete, buksan an App Commands bar, dangan pinduton an Bookmark button. Pinduton an More button sa tangod kan bookmark na gusto mong i-delete. Pinduton an Delete.
Para salidahan an bookmark, buksan an App Commands bar, dangan pinduton an Bookmark button. Pinduton an More button sa tangod kan bookmark na gusto mong salidahan. Pinduton an Replace. Masasalidahan an laog kan bookmark mo. Magagamit ini para mamarkahan mo kun sain ka na sa binabasa mo, arog kan sa aroaldaw na pagbasa mo nin Bibliya.
Ilinuwas an mga feature na ini kan Agosto 2014 sa JW Library 1.3, na puwede sa Windows 8.0 pataas. Kun dai mo pa nahihiling an mga feature na ini, sundan tabi an mga instruksiyon sa artikulo na “Paggamit kan JW Library—Windows,” sa irarom kan I-download an Pinakabagong mga Feature.
