JW LIBRARY
Mga Feature na Makakatabang sa Pagbasa—Windows
May mga feature na ilinaag sa JW Library na makakatabang sa pagbasa. Tanganing mahiling an mga feature na ini, i-right click o i-swipe pababa an pinakaitaas kan screen tanganing mabuksan an App Commands bar.
Pag pinindot mo an More button may mahihiling ka pang ibang feature.
Sundan an mga instruksiyon na ini para magamit mo an mga feature na makakatabang sa pagbasa:
Ribayan an Lengguwahe
Puwedeng ribayan an lengguwahe kan kapitulo o artikulo na binabasa mo.
Pinduton an Languages button para mahiling an mga lengguwahe na igwa kaiyan. An mga lengguwaheng parati mong ginagamit an nasa inutan kan lista. Mahihiling man digdi an pinasimpleng edisyon kan The Watchtower. Puwede mo man i-type an lengguwahe na hinahanap mo.
An mga lengguwaheng dai mo pa nada-download may nakalaag na cloud icon. Pinduton an lengguwahe para i-download an publikasyon. Pag na-download mo na an publikasyon, mawawara na an cloud icon. Pinduton giraray an lengguwahe para mabasa iyan.
Ribayan an Size kan Text
Puwede mong i-adjust an mga letra sa size na gusto mo.
Pinduton an Text Settings button. Hiruon an slider para padakulaon o pasaditon an mga letra. Iyan an magigin size kan letra para sa gabos na publikasyon.
Image o Text View
May mga artikulo na puwedeng mahiling bilang image o text. Puwede kang pumili kun arin sa duwa an gusto mo.
Image View: Sa image view, mahihiling an mismong itsura sa nakaimprentang publikasyon. Gusto ini kan iba lalo na sa mga publikasyon arog kan songbook, na diyan nahihiling an nota kan musika.
Text View: Sa text view, may mga link an sitadong mga teksto asin puwede man ma-adjust an mga letra sa size na gusto mo.
Open in Online Library
Pinduton an Open in Online Library button para mahiling sa Watchtower ONLINE LIBRARY an pahinang binabasa mo sa JW Library app.
I-customize an mga Bibliya
Pag pinindot mo an sitadong teksto sa publikasyon, mahihiling mo an iba-ibang pagkatradusir kaiyan. Pinduton an Customize button sa ibaba para makapili nin gusto mong iiba sa lista.
Pinduton an Add o Remove button para magdagdag o magbawas nin traduksiyon. Kun gusto mong baguhon an pagkasunod-sunod kaiyan, magpindot nin sarong traduksiyon dangan pinduton an Up o Down button.
Hilingon an “Pag-download Asin Pagbukas nin mga Bibliya—Windows” para maaraman kun paano mag-download nin iba pang traduksiyon nin Bibliya sa JW Library.
Ilinuwas an mga feature na ini kan Marso 2015 sa JW Library 1.4, na puwede sa Windows 8.1 pataas. Kun dai mo pa nahihiling an mga feature na ini, sundan tabi an mga instruksiyon sa artikulo na “Paggamit kan JW Library—Windows,” sa irarom kan I-download an Pinakabagong mga Feature.
