JW.ORG WEBSITE
Paggamit kan JW.ORG sa Mobile Device
An gabos na web page asin mga feature kan website na mahihiling sa screen kan sarong desktop computer mahihiling man sa smartphone o tablet. Pero, tanganing magin mas pasil para sa mga naggagamit, iba an pagkaareglar kan mga menu saka kan mga screen kan website kun mas sadit na mobile device an gamit huli ta mas sadit an screen kaiyan. Makakatabang an mga tip sa artikulong ini tanganing mahanap mo an mga materyal na kaipuhan mo sa jw.org.
Gamiton an mga Navigation Menu sa Mobile Device
Pag naka-fullscreen, nakadispley nin permanente sa itaas kan screen an panginot na mga seksiyon asin an mga menu sa laog kan panginot na menu nakalista nin pababa sa walang parte kan screen.
Pero, sa mga device na may sadit na screen, nakalista nin pababa an mga navigation menu. Nakatago man an mga menu kun dai ginagamit tanganing mas mahiling an laog kan web sagkod sa mapupuwede.
I-click an Menu button tanganing itago o mahiling an mga navigation menu. I-click an pangaran kan seksiyon tanganing makaduman sa web page kan seksiyon na iyan.
I-click an Expand List button tanganing mahiling an mga menu sa irarom kan panginot na menu kan sarong seksiyon. I-click an pangaran kan menu tanganing makaduman sa web page kan option na iyan.
I-click an Collapse List button tanganing itago an mga menu sa irarom kan panginot na menu sa laog kan sarong seksiyon.
I-click an JW.ORG button tanganing makabalik sa home page.
I-click an Language Picker button tanganing mahiling an lista kan available na mga lengguwahe.
I-click an Search button tanganing maghanap nin mga materyal gamit an feature na Site Search.
Magduman Kun Sain na Parte sa mga Artikulo o Kapitulo sa Sarong Publikasyon
Kun naka-fullscreen, pirming nakadispley an lista kan mga laog mantang nagbabasa ka nin artikulo o kapitulo nin publikasyon. Pero sa mga device na may sadit na screen, nakatago an lista nin mga laog.
I-click an Show List button tanganing mahiling an lista nin mga laog. I-click an sarong title tanganing mahiling an mga laog kan sarong artikulo o kapitulo.
I-click an Previous button tanganing mahiling an nakaaging artikulo o kapitulo.
I-click an Next button tanganing mahiling an sunod na artikulo o kapitulo.
I-click an Hide List button tanganing itago an mga lista nin laog asin magpadagos sa pagbasa sa binuksan mong artikulo o kapitulo.
Magduman Kun Sain na Parte sa Online na Bibliya
Magduman sa PUBLIKASYON > BIBLIYA asin i-click an Read Online button. O i-click an link na Basahon an Bibliya Online sa home page.
Sa Bible Navigation Bar, pilion an libro nin Bibliya asin kapitulo sa mga drop-down list asin i-click an Go button.
Sa pag-scroll mo pababa sa kapitulo, dai mawawara sa Menu Bar an Bible Navigation Bar tanganing magin mas pasil sa saimo na makaduman sa ibang kapitulo.
I-click an Unpin button tanganing mawara an Bible Navigation Bar sa Menu Bar. Paagi kaiyan, mas dakulang espasyo kan screen an maookupar kan teksto sa Bibliya. Tanganing makapili nin ibang kapitulo, kaipuhan mo ngunang mag-scroll sa taas o sa baba kan binabasa mong kapitulo.
I-click an Pin button tanganing dai mawara sa Menu Bar an Bible Navigation Bar.
I-click an Show List button tanganing mahiling an lista kan mga laog kan Bibliya, kaiba na an mga introduksiyon asin mga apendise.
I-click an Previous button tanganing mahiling an nakaaging kapitulo.
I-click an Next button tanganing mahiling an sunod na kapitulo.
I-click an Hide List button tanganing itago an lista kan mga laog kan Bibliya.
Dangugon an Audio Recording kan Sarong Artikulo
Kun igwa nin audio recording an artikulong binabasa mo, maluwas an Audio Bar.
I-click an Play tanganing madangog an audio recording.
I-click an Pause tanganing mapundo nguna an audio. I-click giraray an Play tanganing madangog giraray an audio recording.
I-drag an audio pointer paabante o paatras tanganing makaduman sa ibang parte kan audio recording.
Kun nag-play ka nin audio recording tapos nag-scroll ka pababa sa artikulo, mawawalat sa Menu Bar an Audio Bar. Paagi kaiyan mapo-pause asin mapi-play mo giraray an audio maski magsain ka sa artikulo.
