Ягова, Творца сям’і,— шчаслівы Бог, які жадае, каб усе сем’і былі шчаслівымі (1 Цімафея 1:11, пераклад В. Сёмухі). Каб сям’я была шчаслівай, важна зарэгістраваць шлюб. Гэта стварае добрыя ўмовы для выхавання дзяцей і дае адчуванне стабільнасці ўсім членам сям’і. Хрысціянам важна прытрымлівацца мясцовых законаў аб рэгістрацыі шлюбу. Прачытайце Лукі 2:1, 4, 5.

Які погляд Бога на шлюб? Ён жадае, каб гэта быў трывалы саюз паміж мужчынам і жанчынай — саюз на ўсё жыццё. Ягова хоча, каб муж і жонка былі вернымі адно аднаму (Гебраяў 13:4). Бог ненавідзіць развод (Малахіі 2:16, пераклад Новага Свету, рус.). Але ён дазваляе хрысціянам развесціся і ўзяць новы шлюб у выпадку здрады мужа ці жонкі. Прачытайце Мацвея 19:3—6, 9.

Ягова стварыў мужчыну і жанчыну, каб яны ў шлюбе дапаўнялі адно аднаго (Роду 2:18). Муж — галава сям’і, таму на ім ляжыць адказнасць забяспечваць жонку і дзяцей матэрыяльна, а таксама дапамагаць ім набліжацца да Бога. Мужу неабходна самааддана любіць сваю жонку. У сям’і абодва павінны любіць і паважаць адно аднаго. Паколькі ўсе людзі недасканалыя, вельмі важна вучыцца дараваць памылкі сваіх блізкіх. Гэта ключ да сямейнага шчасця. Прачытайце Эфесцаў 4:31, 32; 5:22—25, 33; 1 Пётры 3:7.

Калі ў шлюбе ўзнікаюць цяжкасці, мужу і жонцы трэба навучыцца ставіцца адно да аднаго з любоўю (1 Карынцянаў 13:4, 5). Слова Бога не падтрымлівае погляд, што пакідаць  сям’ю і жыць асобна — дапушчальны спосаб вырашэння сямейных праблем. Прачытайце 1 Карынцянаў 7:10—13.

Ягова жадае, каб вы былі шчаслівымі. Ён дае вам найлепшыя парады, каб вы маглі радавацца сваёй маладосці. Бог хоча, каб вы былі паслухмянымі сваім бацькам, таму што ў іх больш мудрасці і вопыту (Калосцаў 3:20). Ягова таксама жадае, каб вы асабіста пераканаліся, якую вялікую радасць можна атрымаць, калі штосьці робіш для нашага Творцы і яго Сына. Прачытайце Эклезіяста 11:9—12:1; Мацвея 19:13—15; 21:15, 16.

Безумоўна, вам неабходна рупліва працаваць, каб забяспечыць дзяцей ежай, адзеннем і жыллём (1 Цімафея 5:8). Але, каб вашы дзеці былі шчаслівымі, вам таксама неабходна вучыць іх любіць і слухацца Бога (Эфесцаў 6:4). Ваш асабісты прыклад любові да Бога можа моцна паўплываць на сэрца вашага дзіцяці. Вы зможаце сфарміраваць у дзіцяці правільнае мысленне, калі ваша настаўленне будзе заснавана на Слове Бога. Прачытайце Паўторнага Закону 6:4—7; Выслоўяў 22:6.

Дзеці маюць патрэбу ў пахвале і падбадзёрванні. Але таксама ім неабходны выпраўленне і дысцыпліна. Такое выхаванне засцеражэ іх ад учынкаў, якія могуць азмрочыць іх дзяцінства і нават паўплываць на ўсё жыццё (Выслоўяў 22:15). Аднак выпраўленне ніколі не павінна быць жорсткім або суровым. Прачытайце Калосцаў 3:21.

Сведкі Яговы выдалі некалькі кніг, прызначаных спецыяльна для бацькоў і дзяцей. Гэтыя публікацыі заснаваны на Бібліі. Прачытайце Псальм 19:8, 12.