Ifintu ifingi ifiba pali iyi webusaiti kuti mwafimona ukwabula ukulembesha nelyo ukutupeela ifyebo ifili fyonse. Na lyo line, pa kuti mucite fimo pali iyi webusaiti, kano mwalembesha nelyo icilonganino ca Nte sha kwa Yehova catutumina ifyebo fya kumwishibilako ukubomfya jw.org. Tubomfya fye ifyebo fya kumwishibilako nga ca kuti mwatusuminisha. Inshita shimo kuti twatwalilila ukubomfya ifyebo fya kumwishibilako nga ca kuti amafunde yaletusuminisha, nangu ca kuti tamulefwaya ukuti tutwalilile ukufibomfya.

Ifyebo fya kumwishibilako ifyo mwingatutumina pa webusaiti yesu tufibomfya fye ukulingana ne fyo twamulondolwelele ilyo mwaletupeela ifyo fyebo. Kuti twabomfya ifyebo fya kumwishibilako mu nshila shakonkapo:

Amaakaunti. E-mail adresi iyo mutupeela ilyo muleisula akaunti pali iyi webusaiti kuti twaibomfya ukumutumina ifyebo ifikumine akaunti yenu. Ku ca kumwenako, nga mwalaba username nelyo password, kuti twatuma ifyebo fya kumwafwilisha ukubomfya e-mail adresi yenu iyo mwatupeele ilyo mwaleisula akaunti.

Amaformu. Kuti mwatutumina formu ukubomfya ino webusaiti, nelyo icilonganino kuti camutuminako formu ukubomfya iyi yine webusaiti. Nga mwatutumina formu, tukabomfya ifyebo fya kumwishibilako ukulingana ne fyo mulembele pali formu nelyo ku milimo imbi iikumine ifilembelwe pali formu. Nga calinga, kuti twatuma ifyebo fya kumwishibilako ku maofeshi yesu nelyo ku tubungwe twesu utwaba mu fyalo fimbi pa kuti tubombele pa fyebo mwalembele pali formu.

Ukusangwilako. Nga mwasangwilako indalama ukubomfya webusaiti yesu, tukapoka ishina lyenu ne nambala ya foni yenu na e-mail adresi. Pa kupokelela indalama mwingatutumina ukubomfya kardi yenu iya ku banki, tubomfya utwampani utwaishibikwa bwino bwino kabili utushingapeela abantu bambi ifyebo fya kumwishibilako ne fyebo pali akaunti yenu iya ku banki. Kuti mwatupeela ifyebo pamo nga inambala ya kardi yenu iya ku banki nelyo inambala ya akaunti yenu iya ku banki, kabili kuti twatuma ifyebo ifilefwaikwa kuli utu twampani. Tulakonka amafunde ayalanda pa fya kutuma no kupokelela indalama ukubomfya kardi ayo beta ukuti Payment Card Industry Data Security Standard (“PCI DSS”) pa kuti abantu bambi tabamwene ifyebo pali akaunti yenu iya ku banki. Nga mwatutumina indalama tulasunga ifyebo pa ndalama mwatutumine ukucila pa myaka 10. Pa fyebo tusunga palaba no bushiku mwatutumine indalama, icipendo ca ndalama mwatutumine, e lyo ne nshila mwabomfeshe pa kututumina. Ukucita ifi kulalenga twakonka amafunde ayalanda pa fya kupokelela, ukusunga no kutuma indalama. Na kabili ukucita ifi kuti kwatwafwa ukwasuka amepusho mwingatwipusha. Tatwakamulombe ukuti mukasangwileko indalama na shimbi.

Nga Pali Ifyo Mulefwaya Ukwipusha Nelyo Mulefwaya Ukulamusambilisha Baibolo. Kuti mwatweba ukubomfya webusaiti yesu nga ca kuti pali ifyo mulefwaya ukwipusha nelyo mulefwaya ukulamusambilisha Baibolo. Tukabomfya ifyebo fya kumwishibilako ifyo mwingatutumina ukulingana ne fyo mulefwaya. Kuti twatuma ifi fyebo ku maofeshi yesu yambi nelyo ku tubungwe twa Nte sha kwa Yehova pa kuti tucite ifyo mulefwaya.

Inshila Shimbi Isho Tubomfeshamo Ifyebo fya Kumwishibilako. Kuti mwatutumina ifyebo fya kumwishibilako (pamo nge shina lyenu, adresi iyo twingamutuminapo kalata, ne nambala yenu iya foni) nangu ca kuti tamulefwaya ukwisula akaunti, ukututumina formu, nelyo ukusangula indalama. Nga caba ifi, tukamulondolwela umulandu tulefwaila mutupeele ifyebo fya kumwishibilako. Tatwakabomfye ifyebo mwatupeele ku fintu fimbi kano fye ku mulimo twamulondolwelele.

Tukabomfya fye ifyebo fya kumwishibilako ifyo twasunga ukulingana ne fyo mulefwaya, kabili tukafisunga ukufikila tukapwishe ukucita ifyo mwalefwaya. Nga ca kuti mwakaana ukutupeela ifyebo fimo ifyo tulefwaya, te kuti mubomfye ifiputulwa fimo ifya webusaiti yesu nelyo te kuti tucite ifyo mulefwaya.

Bonse abalebombela pa fyo mulefwaya e lyo na balungisha amakompyuta ayo babomfya, kuti bamona nelyo ukubomfya ifyebo fya kumwishibilako. Tatupeela ifyebo fya kumwishibilako kuli bambi kano fye nga (1) balefwaya ukufibomfya pa kuti bacite ifyo mulefwaya kabili natumwishibisha ukuti twalabapeela; (2) natushininkisha ukuti tulingile ukupeelako bambi ifi fyebo pa kuti tukonke amafunde; (3) aba mu buteko abalolekesha pa mafunde batweba ukuti tubapeele; nelyo (4) balefifwaya pa kuti bengekata abalefwaya ukumwibila indalama. Nga mwabomfya ino webusaiti, ninshi mwatusuminisha fye ukupeela ifyebo fya kumwishibilako kuli bambi pa kuti bafibomfye mu nshila tulondolwele. Tatwakashitishe nelyo ukusonkesha ifyebo fya kumwishibilako.

Icilonganino cesu cilabomfya amaofeshi no tubungwe utwaba mu fyalo ifyalekanalekana. Amakompyuta yamo umo tusungila ifyo tubika pa webusaiti yesu yaba ku America. Kuti twatuma ifyebo fya kumwishibilako ku fyalo uko tamwikala, ukubikako fye ne fyalo ifyakwata amafunde ya kucingilila ifyebo ayapusana na ya mu calo mwikala. Ilyo tulebomfya nelyo tuletuma ifyebo fya kumwishibilako, tulashininkisha ukuti abantu abashakwata insambu sha kufimona tabafimwene. Utubungwe uto tubomfya kabili ututungilila umulimo wa Nte sha kwa Yehova tulingile ukukonka amafunde yesu ayalanda pa fya kusunga ifyebo, e lyo nayalanda pa fya kubomfya ifyebo fya kwishibilako umuntu.

Nga mwabomfya webusaiti yesu kabili mwalanshanya na ifwe pa Intaneti, ninshi mwatusuminisha ukutuma ifyebo fya kumwishibilako ku fyalo fimbi uko tamwikala ukulingana ne fyo tulondolwele.

Lyonse ilyo tulebomfya ifyebo fya kumwishibilako, tulashininkisha ukuti fili ifyalungama kabili tulalulako fimo nga calinga pa kuti tubombe umulimo mwatupeelele ifyebo. Ukulingana ne calo mwikalamo e lyo na mafunde yaba uko mwikala ayalanda pa fya kucingilila ifyebo, kuti mwakwata insambu ishili pe samba pa fyebo mwatupeele:

• Kuti mwaipusha ifyo amafunde ya mu calo mwikala yalanda pa fyo abantu balingile ukucita pa kupoka no kubomfya ifyebo fya kumwishibilako;

• Kuti mwatweba nga mulefwaya ukumonako ifyebo mwatutumiine, ukwalula, ukufuuta, nelyo ukutulesha ukutuma ifyo fyebo kuli bambi nelyo ukufibomfya.

• Nga namukwata imilandu iine iine, kuti mwatulesha ukubomba umulimo mwatupeelele ifyebo no kutulesha ukutwalilila ukufibomfya nga ca kuti twalitendeka ukufibomfya.

  Nga ca kuti mu calo mwikala mwaliba amafunde ayalanda pa kucingilila ifyebo kabili mulefwaya ukumonako ifyebo mwatutumine, ukufilungika, nelyo ukufifuuta, kuti mwamona adresi pa cipande cileti Uko Mwingasanga Ifyebo Ifilanda pa fya Kusunga Ifyebo pa Intaneti.

Ilyo mwatutumina fye ifyo mulefwaya ukucita kabili mwatupeela ifyebo fya kutwafwa ukumwishiba no kwishiba ifyebo mwatupeele, abalebomba umulimo mwatupeelele ifyebo bakatontonkanya pa fyo mulefwaya ukucita e lyo no kumona nga ca kutila ukucita ifyo mulefwaya na kulingana ne nsambu twakwata nge cilonganino ca mapepo. Nga kwaba ifyayaluka, tukeshibishako utubungwe utubomfya ifyebo fya kumwishibilako.

Ishibeni ukuti, te kuti tufuute ifyebo mwatupeele nga ca kuti amafunde tayaletusuminisha. Ku ca kumwenako, icilonganino cesu tacifuuta ifyebo pa muntu uwasalapo ukuba Inte ya kwa Yehova. Ifyo twasuminamo ne fyo tucita tafisuminisha umuntu ukufuuta ifi fyebo. Umuntu nga atweba ukuti alefwaya tufuute ifyebo fya kumwishibilako, tukonka amafunde ya buteko ayalanda pa fya kusunga ifyebo ayo batupeela. Kuti mwailishanya pa fyebo mwatupeele pa webusaiti ku kabungwe kalolekesha pa fya kucingilila ifyebo.