JW LIBRARY
Ifya Kukopolola no Kubomfya AmaBaibolo pa JW Library nga Mulebomfya Android
Icacindama sana pa JW Library, kubelenga no kusambilila Baibolo.
Ifi e fyo mufwile ukucita pa kukopolola no kubomfya amaBaibolo:
Kopololeni Baibolo
Kuti mwakopolola amaBaibolo ayo mwingalabelenga no kusambililamo ukwabula ukubomfya intaneti.
Isuleni umwaba ifya pa JW Library elyo mutinike pali Baibolo pa kumona amabuuku ya mu Baibolo.
Tinikeni pa ka kwalwilako indimi pa kuti mumone amaBaibolo yonse ayalimo. AmaBaibolo ayo mubomfya sana yaba pa muulu wa mutande. Pa kusanga Baibolo mulefwaya, lembenimo ululimi nelyo Baibolo iyo mulefwaya. Ku ca kumwenako, lembenimo “int” nga mulefwaya Baibolo ya Kingdom Interlinear iya mu ciNgeleshi nelyo “port” nga mulefwaya amaBaibolo ya mu ciPortuguese.
Pa amaBaibolo ayo mushakopolola palaba akamoneka kwati kalikumbi. Tinikeni pali Baibolo pa kuikopolola. Nga mwakopolola Baibolo, akamoneka kwati kalikumbi kalafumapo. Tinikeni pali Baibolo pa kuibelenga.
Nga ca kuti tapali Baibolo mulefwaya, kuti mwamonapo inshita imbi. Bakalabikamo amaBaibolo na yambi nga yabapo.
Fuuteni Baibolo
Kuti mwafuuta Baibolo nga ca kuti tamuibomfya nelyo nga mulefwaya umwakubika mubeko incende.
Isuleni umwaba ifya pa JW Library elyo mutinike pali Baibolo. Tinikeni pa ka kwalwilako indimi pa kuti mumone amaBaibolo yonse ayalimo. Tinikeni pa kakwete utumatoni tutatu akali pali Baibolo mulefwaya ukufuuta; lyena tinikeni apaleti Fuuteni.
Bikenimo Ifipya mu Baibolo
Limo kukalaba ifipya ifyo bakalayalula mu maBaibolo ayo mwakopolola.
Pali Baibolo iyo babikilemo ifipya ifyo balwile palaba akamoneka ifi. Nga mwatinikapo pali Baibolo, palaisa utumashiwi twakumweba ukuti kuli ifyo balwileko. Tinikeni apaleti Kopololeni pa kuti mubikemo ifipya, nelyo tinikeni apaleti Inshinta Imbi nga tamulefwaya ukubikamo pali iyo nshita.
Ifi twalandapo fyafumine mu February 2015 ilyo bapangile JW Library 1.4, iibomba pa Android 2.3 na yambi ayacililepo. Nga ca kuti ifi twalandapo tamulefimona pa JW Library mwabika pa tabuleti nelyo foni, moneni ifyo mwingacita pa cipande icileti “Tendekeni Ukubomfya JW Library pa Android,” apaleti Ifintu Ifipya Ifingamwafwa.
