JW LIBRARY
Ifyo Mwaisulapo pa JW Library ya pa Android
JW Library ilasunga ifipande ne fipandwa fya mu Baibolo ifyo mwabelengapo. Ku ca kumwenako, ukucita ifi kuti kwamwafwa nga mulefwaya ukumona ilembo ilyo mwabelengapo.
Ifi e fyo mwingacita ku fyo mwaisulapo:
Bweleleni ku fyo Mwaisulapo
Tinikeni apaleti Ifyo Mwaisulapo pa kumona amalembo ne fipande ifyo mwabelengapo. Tinikeni pe lembo nelyo icipande cili mu fyo mwaisulapo pa kuti mubelengemo na kabili.
Fuuteni Ifyo Mwaisulapo
Tinikeni apaleti Ifyo Mwaisulapo pa kuti mumone ifilimo. Tinikeni apaleti Fuuteni pa kufuuta ifilimo.
Ifi twalandapo fyafumine mu May 2014 ilyo bapangile JW Library 1.2, iibomba pa Android 2.3 na yambi ayacililepo. Nga ca kuti ifi twalandapo tamulefimona pa JW Library mwabika pa tabuleti nelyo foni, moneni ifyo mwingacita pa cipande icileti “Tendekeni Ukubomfya JW Library pa Android,” apaleti Ifintu Ifipya Ifingamwafwa.
