JW LIBRARY
Fimo Ifingamwafwa Ukuipakisha Ilyo Mulebelenga Ifyaba pa JW Library nga Mulebomfya Android
Pa JW Library paliba utwa kutinikapo uto mwingabomfya ilyo mulebelenga ifyabapo. Utu utwa kutinikapo tuba pa muulu ilyo mwaisula icipandwa nelyo icipande.
Kuti mwatinika pa kakwete utumatoni tutatu pa kumona na fimbi ifyo mwingabomfya.
Natulande pali fimo ifingamwafwa ukuipakisha ilyo mulebelenga ifyaba pa JW Library:
Ukwalula Ululimi
Kuti mwayalula ululimi lwa cipandwa nelyo icipande ilyo mulebelenga.
Kuti mwatinika apaleti Indimi pa kumona indimi shonse umwaba ifyo mulebelenga. Indimi mubomfya sana shiba pa muulu. Ulupungu lwa kwa Kalinda nalo epo lwaba. Pa kufwaya ululimi lumbi, kuti mwalembamo ululimi mulefwaya.
Pa ndimi isho mushilakopolola palaba akamoneka kwati kalikumbi. Tinikeni pa lulimi pa kukopolola ulupapulo. Ilyo mwakopolwela ulupapulo pa tabuleti nelyo pa foni, akalikumbi kalafumapo. Nga mulefwaya ukulubelenga, kuti mwatinikapo na kabili.
Ukukusha no Kucefya Ifilembo
Kuti mwakusha nelyo ukucefya ifilembo ukulingana ne fyo mulefwaya.
Tinikeni apali utumatoni tutatu e lyo mutinike apaleti Ukukusha no Kucefya Ifilembo. Ifyo mwacita, e fikalamoneka impapulo shonse.
Ukwalwila Ifyo Mulebelenga mu Musango Mulefwaya
Ifipande fimo fimonekela mu misango ibili iyapusana. Tinikeni apakwalwila ukulingana no musango mulefwaya.
Umusango wa Kubalilapo: Limo kuti mwayalwila ulupapulo mu musango uo ifyo bapulinta fimonekelamo. Ku ca kumwenako, nga mulefwaya, kuti mwayalula mu nshila ya kuti nga mwaisula ulwimbo, lulemoneka na manotimo.
Umusango Walenga Bubili: Nga mwayalwila mu musango umbi, kuti mwatinika pa malembo ayali mu lupapulo no kuyabelengela mu filembo mwingatemwa.
Iswileni mu. . .
Nga mwatinika apaleti Iswileni mu . . . kuti mwaisula ifyo mulebelenga pa JW Library mu ma apps yambi.
Tinikeni apaleti Iswileni mu . . . pa kumona umo mwingeswila. Ku ca kumwenako, kuti mwatinika apaleti Iswileni mu Laibrare ya pa Intaneti pa kwiswila ibula mulebelenga mu LAIBRARE YA PA INTANETI.
Ukusala AmaBaibolo
Nga mwatinika pe lembo lili mu lupapulo mwiswile, amashiwi yabapo yalamoneka. Tinikeni apaleti Saleni Baibolo pa kusala amaBaibolo mwingabomfya pa yo mwakopolola.
Nga mulefwaya ukulundapo amaBaibolo nelyo ukufumyapo, tinikeni pali ka pulasi (+) nelyo ka mainasi (-). Kuti mwatantika amaBaibolo ukulingana ne fyo mulefwaya.
Nga mulefwaya ukusambilila ifya kukopolola amaBaibolo pa JW Library, moneni icipande cileti “Ifya Kukopolola no Kubomfya AmaBaibolo pa JW Library nga Mulebomfya Android.”
Ifi twalandapo fyafumine mu February 2015 ilyo bapangile JW Library 1.4, iibomba pa Android 2.3 na yambi ayacililepo. Nga ca kuti ifi twalandapo tamulefimona pa JW Library mwabika pa tabuleti nelyo foni, moneni ifyo mwingacita pa cipande icileti “Tendekeni Ukubomfya JW Library pa Android,” apaleti Ifintu Ifipya Ifingamwafwa..
