Icipani ca Ministry of National Security (MNS) ica mu Azerbaijan, calilundako inshita ba Nte babili bali no kwikala mu cifungo nangu ca kuti tabalalubulula. Aba ba Nte babili ni ba Irina Zakharchenko na ba Valida Jabrayilova. Pa 17 February mu 2015, icipani ca MNS calipeele aba banakashi umulandu wa kupeela abantu impapulo ishilanda pali Baibolo ukwabula ukukwata ifipepala kabili balibakakile. Pa 7 May mu 2015, icilye ca Sabail District Court calisumiine ukuti babasungile mu cifungo mpaka pa 17 July mu 2015. Icilye calikeene ilyo bandubulwila ba ba Nte balombele ukuti aba banakashi babakakile ku ng’anda. Bandubulwila ba ba Nte balitwala umulandu ku cilye cimbi pantu nabasakamana ifyo ubumi bwa aba banakashi bukaba nga bakokola mu cifungo. Aba mu buteko balitwalilila ukufwailisha ba Nte bambi.