28 NOVEMBER, 2018
INDIA
Icikuuku ca Mwela ica Gaja Calipita mu India
Pa 16 November 2018, icikuuku ca mwela icikalamba icitwa Gaja calyonawile ifintu mu citungu ca Tamil Nadu icaba ku kapinda ka ku kulyo aka calo ca India. Abantu nalimo 46 balifwile, e lyo nalimo 250,000 balishiile amayanda yabo, kabili amayanda ukucila pali 85,000 yalyonaike nelyo yalyonaike nakalya nakalya.
Ing’anda ya kwa munyinefwe mu Mannargudi, ku Tamil Nadu, iyaonaike ilyo icimuti cawililepo.
Bamunyinefwe aba ku musambo wa ku India batile tapali bamunyinefwe na bankashi abacenenwe nelyo abafwile ku cikuuku ca mwela. Na lyo line, amayanda ya bamunyinefwe 38 e lyo na Mayanda ya Bufumu yabili yalyonaike. Aba ku musambo balipangile Komiti ya Kwafwilisha Abaponenwe na Masanso ku kwafwilisha aba bwananyina abaponenwe no busanso, kabili balebatwalila ifya kulya na menshi.
Tatuletwishika ukuti Yehova akabomfya baeluda pa kusansamusha bamunyinefwe na bankashi ku India abasanshilwe ne cikuuku ca mwela ica Gaja.—1 Petro 5:2.