MU NEW YORK—Inte sha kwa Yehova balatendeka ukulongana kwa citungu ukubako fye umuku umo mu mwaka pali Cisano 18 May, 2018. Umutwe wa uno mwaka uwa uku kulongana uleti “Beni Abashipa”! Ilyo uku kulongana kushilatendeka, ba Nte isonde fye lyonse bakalaita abantu kuli uku kulongana uko bashilipilisha umutulo. Uku kulongana kukaba mu ncende 180 mu fyalo ifyalekanalekana.

Iyi programu iikakabako pa nshiku shitatu, kukaba amalyashi, ifyangalo fya kukutikako, ukwipusha e lyo na mavidio ayepi fyonse fikaba 54. Na kabili kuli na filimu iileti Ifyo Ilyashi lya kwa Yona Litusambilisha Ukuba Abashipa Kabili Abaluse iyo bakatambisha pa bushiku bwa kulekeleshako ubwa kulongana kwa citungu. Cila bushiku, programu ya lucelo ne cungulo ikalatendeka na vidio ya nyimbo isho bapekenye ukuti bakalishe pali uku kulongana.

Ba David A. Semonian, abalandilako Inte sha kwa Yehova batile: “Nga mwakutika ku malyashi yalecitika muno nshiku, kuti mwamona ukuti abantu abamishinku yalekanalekana balekwata amafya ayengi ukucila ifyo cali kale. Balingile ukuba abashipa pa kuti baleshipikisha aya mafya. Tuleita abantu bonse ku kulongana kwa uno mwaka pa kuti bakanonkelemo mu kupanda amano ukwaba mu Baibolo ukwingabafya.”

Inshiku ne fifulo ukukabela ukulongana kumo na kumo kuti mwakusanga pa webusaiti ya Nte sha kwa Yehova iya jw.org.

Abo Bakalemba we Lyashi Bengatumina:

David A. Semonian, Office of Public Information, +1-845-524-3000