Pali Cibili pa 4 September, 2018, icikuuku ca mwela icikalamba calisunkila amenshi ya muli bemba ku masamba ya Japan kabili mu myaka 20 iyapita uyu e muku walenga bubili icikuuku icikalamba cacitika kuli iyi ncende. Abalashi balieba abantu abengi ukufuma kuli iyi ncende, kabili nga fintu baleenekela, ici cikkuuku naconaula ifintu ifingi.

Iofeshi lya musambo ku Japan litile takuli Inte ya kwa Yehova uufwile. Na lyo line, bamunyinefwe na bankashi ukucila pali 15 nabacenekwa kabili amayanda ukucila pali 538 nayonaika. Ifyo basangile pa kubala filelanga no kuti Amayanda ya Bufumu 44 nayonaika.

Abali muli Komiti Yafwilisha Abaponenwe na Masanso iya mu Osaka na Sakai balebombela pamo ku kwafwilisha abaponenwe na masanso, bakawamya na mayanda ayonaike e lyo no kukoselesha aba bwananyina.

Natwishiba ukuti Yehova naishiba amafya aba bwananyina bakwete kabili akulabafwa ukubomfya bamunyinabo.—Amalumbo 34:19.