Pa 3 May, 2018, icilye ca Saint Petersburg City Court capingwile umulandu nga fintu icilye cikalamba capingwile mu December 2017, calisuminisha ubuteko bwa Russia ukupoka ilyo line fye ifikuulwa fya maofeshi ya musambo wa ba Nte ifyaba mu Solnechnoye. Ilyo bashilatendeka ukukutika kuli uyu mulandu, kalemba we lyashi, uwasambilila pa mipepele, e lyo na ba Nte babili baloya balilandile pa lufyengo ulwacitika. Abaupana bamo abaleyafwa ukukuula iofeshi lya ba Nte nabo balilondolola ifyo batemenwe ifi fikuulwa.