Kukaba ukukutika ku mulandu wa ba Dennis Christensen pa 19 February, 2018. Ba Christensen, abena Denmark kabili Inte ya kwa Yehova, balibabika mu cifungo mu Oryol ku Russia ukwabula ukubalubulwisha ukutula apo babekatile mu May 2017.

Pa 31 January 2018, inkonkani kuli shicilye wa milandu mu citungu ca Oryol apeele ba Christensen imilandu iyafikile ku mabula 76. Bashicilye bamupeele umulandu waba mu cipande ca mafunde ya milandu sha mu Russia (Article 282.2(1) Criminal Code of the Russian Federation) ukuti alepekanya akabungwe ka mipepele iyo batila ilalenga abantu baimina ubuteko. Umuntu nga bamusanga no uyu mulandu bamukaka imyaka 10.

Ba Christensen bababepesha fye uyu mulandu. Babekete ninshi bali ku mapepo pamo na bena mwabo e lyo na ba Nte banabo. Bakatendeka ukulubulula pa 19 February 2018 mu cilye ca Zheleznodorozhniy Court mu citungu ca Oryol.