Pa 22 February, 2018, Kapingula Aleksey Rudnev, uwa mu cilye ca Zheleznodorozhniy District Court mu Oryol, apingwile ukuti ba Dennis Christensen batwalilile ukuba mu cifungo ukufikila pa 1 August, 2018. Ba Christensen babapeele umulandu wa kuteyanya imilimo iya kabungwe ka mapepo ako babika pa tubungwe utulenga abantu baimina ubuteko. Na kuba, babekete ninshi balelongana na Bena Kristu banabo ilyo bakapokola baile umo balepepela mu May 2017.

Ilyo batendeke ukulubula pa 19 February, kapingula akutike ku fyo bashicilye na bashimilandu balandile. Lelo pa 22 February kapingula alikeene ifyo baloya ba ba Christensen balandile kabili alibalundileko inshiku sha kwikala mu cifungo ukulolela ukuya ku cilye ku kulubulula umulandu wabo. Bakatendeka ukulubulula umulandu wabo pa 26 February ne nshita ya 14:30.

Inte sha kwa Yehova isonde fye lyonse na basakamana ku filecitikila ba Christensen kabili balepepa ukuti abena mwabo ba Irina batwalilile abashipa ilyo abena mwabo bali mu cifungo. Ukutula apo ba babikila mu cifungo ukwabula ukubalubulwisha, napapita imyeshi 9.