NOVEMBER 11, 2014
RUSSIA
Icilye ca Russian Federation Supreme Court Cili no Kutendeka Na Kabili Ukukutika ku Mulandu Uukumine Ukubinda Akabungwe ako Inte sha kwa Yehova Shalembesha mwi Funde mu Samara
Pa 12 November, mu 2014, icilye ca Supreme Court of the Russian Federation catantike ukuti cikatendeke ukukutika na kabili ku mulandu uo babindilemo akabungwe ako Inte sha kwa Yehova shalembesha mwi funde mu Samara. Icilye catendeke ukukutika kuli uyu mulandu pa 8 October, kabili aba ku mulabasa, abeminishi ba mu fyalo fimbi, baloya, na ba Nte balongene mu muputule uo icilye capekenye. Ilyo batendeke ukukonka fyonse ifyaba mu mafunde, icilye caseseshe umulandu ku ntanshi.
Ba Vasily Kalin, abeminishi ba Administrative Center of Jehovah’s Witnesses in Russia, batile: “Tulesubila ukuti icilye cikalamba ica Supreme Court of Russia cikapingula bwino uyu mulandu kabili cikacindika insambu sha bantu no kukaana imilandu loya atupeela iishili ya cine.” Inte sha kwa Yehova shilesubila ukuti icilye cikacindika insambu sha kupepa abantu bakwata isho ne funde lya calo ca Russia lyalandapo.
Nalimo Kuti Mwatemwako ne fi
ILYASHI
Ba Nte Batwala Umulandu ku Cilye Icikalamba mu Russia pa ku Besalila Akabungwe Kabo aka mu Musumba wa Samara
Icilye cikalamba ica Supreme Court cikakutika umulandu uo Inte sha kwa Yehova mu Samara batwele kuli ici cilye pa kuti baluule ifyo icilye cimbi capingwile ukuti besale akabungwe kabo no kuti imipepele yabo kuti yalenga abantu baimina ubuteko.
ILYASHI
Icilye ca European Court of Human Rights Capingula Ukuti Inte sha kwa Yehova mu Russia Shalikwata Insambu sha Kupepa
Icilye ca ECHR calibwekeshapo na kabili ukusosa ukuti icalo ca Russia tacicindika insambu sha Nte sha kwa Yehova, ukubikako ne nsambu shabo isha kupepa.