Pa 14 July , 2015, ubuteko bwa calo ca Russia bwalikeenye Inte sha kwa Yehova ukwingisha Baibolo ya New World Translation of the Holy Scriptures mu Russia. Iyi Baibolo yali mu lulimi lwa bena Russia kabili yasabankanishiwa na ba Nte. Ukutula mu March 2015 ubuteko bwa mu Russia tabusuminisha impapulo sha ba Nte ukwingila mu calo cabo, nangu ca kuti ishi mpapulo tashaba pali shilya ubuteko butila shalibipa isho bwabika na pali Russia’s Federal List of Extremist Materials. Ukulesha ukwingisha impapulo e lyo no kubinda webusaiti ya www.pr418.com, kwalenga ukuti impapulo shonse isho Inte sha kwa Yehova shasabankanya shilaingila mu calo ca Russia, e kutila isho bapulinta e lyo ne shaba pa intaneti.