Pa 26 February, 2018, batendeka ukulubulula umulandu bapeela ba Dennis Christensen mu cilye ca Zheleznodorozhniy District Court of Oryol. Abantu abengi abaletungilila ba Christensen baliile ku cilye. Bambi abali mu cilye ni nkombe ya calo ca Denmark ba Jeanne Christina Demirci, abafumine ku musumba uukalamba uwa Moscow ku kumfwa umulandu. Ne awaala limo talyapwile Kapingula Aleksey Rudnev alisuminishe ifyo baloya ba ba Christensen balombele ukuti babapeeleko inshita ya kupituluka no kubelenga ifyebo ifikumine umulandu babapeele. Ilyo bashilaya ku cilye, icilye ca Sovetskiy District Court calikeele pa nsambu shabo, cabapeele fye imilungu ibili iya kupituluka mu fyebo ifyali amabuula 2,500 mu lulimi lwa ciRussian. Kapingula Rudnev atile bakakonkanyapo ukulubulula pa 3 April, 2018, ne nshita ya lucelo iya 10:30. Ilyo ubu bushiku bushilafika, ba Christensen balatwalilila ukuba mu cifungo ukulolela ukuya ku cilye.