30 NOVEMBER, 2018
SOUTH KOREA
Bamunyinefwe ku Korea Nababafumya mu Cifungo
Bamunyinefwe ku musambo wa ku Korea batile pa 30 November, 2018, bamunyinefwe 57 balibafumya mu cifungo kabili bali pamo ne ndupwa shabo. Aba bwananyina mwi sonde lyonse nabatemwa pali ifi ficitike kabili balelumbanya Yehova pali ilipaalo.—Impendwa 6:24-26.
Tulepepelako bamunyinefwe 8 abashele mu cifungo kabili tulesubila ukuti bali no kubafumya nga baikalako imyeshi 6 pa myeshi 18 iyo babakaka.
Bamunyinefwe abo bafumishe mu cifungo balebasengela ku bafyashi babo (ku kuso, ku kulyo). Munyinefwe alelanshanya na bakalemba we lyashi pa nse ya cifungo (pa kati).