HORLIVKA—Abashilika bapoka Ing’anda ya Bufumu.

• Pa mpela ya mweshi wa June mu 2014, abashilika balingiile mu Ng’anda ya Bufumu kabili balibile ifipe fya malaiti ifyalimo no kubika amaloko yambi ku fiibi. Kabili baisangwile umwa kwikala abashilika.

HORLIVKA—Abashilika bapoka Ing’anda ya Bufumu.

• Pa 5 July mu 2014, abashilika balipokele Ing’anda ya Bufumu. Balitendeke ukwikala no kusungilamo amabomba, lelo mu September mu 2014 balifuminemo. Inte sha kwa Yehova balitendeke ukulonganinamo na kabili.

• Pa 12 October, mu 2014, abashilika balingiile mu Ng’anda ya Bufumu ninshi kuli ukulongana kabili balandile ukuti ukulongana kupwe. Balandile ukuti ba Orthodox e bo basuminisha fye ukupepa muli iyi incende kabili bali no kulofya Inte sha kwa Yehova. Pali ino nshita baliisangula umwa kwikala abashilika.

DONETSK—Abashilika bapoka Ing’anda ya Bufumu.

• Pa 13 August mu 2014, abashilika balingiile mu Ng’anda ya Bufumu kabili baisangwile umwa kwikala abashilika.

• Pa 19 August mu 2014, abashilika balibile ifilimba no kufuma mu Ng’anda ya Bufumu. Ba Nte balitendeke ukubomfya iyi Ing’anda ya Bufumu na kabili.

• Pa 18 October mu 2014, ilyo ba Nte bapwile ukulongana, abaleimininako ibumba lya bashilika ilya Fourth Oplot Battalion balingiile mu Ng’anda ya Bufumu no kweba ba Nte abalongene ukuti bapoka Ing’anda ya Bufumu.

• Pa 18 November mu 2014, abashilika balipatikishe ba Nte ukusaina amapepala ya kupela Ing’anda ya Bufumu ku mukalamba wa bashilika mwi tauni lya Petrovskyi na Kirovskyi. Iyi Ing’anda ya Bufumu baliisangula umwa kwikala abashilika.

HORLIVKA—Abekala calo bapoka Ing’anda ya Bufumu.

• Pa 30 September mu 2014, aba pa mulabasa wa fikope balilanshenye no muntu uwalelanda ukuti nomba e mwine wa Ng’anda ya Bufumu. Alandile no kuti pali ino nshita iyi Ng’anda ya Bufumu e mo basambilisha abantu ubwangalo bwa kupoosa inkonya. Ukufuma mu 2013, abantu balitwalilila ukulatoba iyi Ng’anda ya Bufumu e lyo no kuyoca. Balekeleshe ukufwaya ukuyoca pa 5 June mu 2014.

DONETSK—Abashilika bapoka Ing’anda ya Bufumu.

• Pa 26 October mu 2014, abashilika ba mwi bumba lya Shakhtar Battalion of the Donetsk People’s Republic (DPR) balingiile mu Ng’anda ya Bufumu no kuisangula umwa kwikala abashilika.

ZHDANIVKA—Abashilika bapoka Ing’anda ya Bufumu.

• Pa 27 October mu 2014, abashilika ba mwi bumba ilya ku Horlivka balipokele Ing’anda ya Bufumu. Inkonkani ya mukalamba wa bashilika muli ili ibumba yalandile ukuti, ba Orthodox e bo basuminisha fye ukupepa muli iyi ncende, lelo abashala bonse balibindwa.

• Pa 21 November mu 2014, umukalamba we bumba limbi ilya bashilika alipokele Ing’anda ya Bufumu no kweba ba Nte ukuti abantu bakwe e bakulabomfya Ing’anda ya Bufumu.

TELMANOVE—Abashilika bapoka Ing’anda ya Bufumu.

• Pa 4 November mu 2014, abashilika balingiile mu Ng’anda ya Bufumu no kutendeka ukuilonda.

• Pa 11 December mu 2014, balibikilemo amabomba no kutendeka ukuibomfya nga umwa kwikala abashilika.

MAKIIVKA—Abashilika bapoka Ing’anda ya Bufumu e lyo pa numa baisha.

• Pa 5 November mu 2014, abashilika ba mwi bumba lya Rus Battalion balingiile mu Ng’anda ya Bufumu. Baebele ba Nte ukuti babapeele amakii no kuti bekabwelela ku Ng’anda ya Bufumu. Ubushiku bwakonkelepo, inkonkani ya mukalamba wa bashilika yalifumishe icipampa ca Ng’anda ya Bufumu no kubikapo imendela yabo.

• Pa 26 November mu 2014, abashilika balifumine pa Ng’anda ya Bufumu.

HORLIVKA—Abashilika bapoka Ing’anda ya Bufumu e lyo pa numa baisha.

• Pa 29 November mu 2014, abashilika balingiile mu Ng’anda ya Bufumu no kweba ba Nte abalipo ukuti bapoka Ing’anda ya Bufumu. Umo pa bashilika alandile ukuti ubuteko bwa DPR bwasuminisha fye icilonganino ca Orthodox. Abashilika balitendeke ukulonda icikuulwa kabili baebele ba Nte ukuti tabafwile ukubwela. Ubushiku bwakonkelepo balifuminepo pa Ng’anda ya Bufumu.

ZUHRES—Abashilika bapoka Ing’anda ya Bufumu.

• Pa 20 December mu 2014, umukalamba wa bashilika alibilishe ukuti alepoka Ing’anda ya Bufumu. Aebele Inte sha kwa Yehova ukuti bamupeele amakii ya cikuulwa no kunabwelela ku Ng’anda ya Bufumu na kabili.

DONETSK—Abashilika bapoka Ing’anda ya Bufumu.

• Pa 1 February mu 2015, abashilika balingiile mu Ng’anda ya Bufumu. Baebele ba Nte ukuti babapeele amakii ya Ng’anda ya Bufumu no kusaina ifipepala fya kupeela Ing’anda ya Bufumu ku bashilika mpaka inkondo ikapwe.

YENAKIEVE—Abashilika bapoka Ing’anda ya Bufumu.

• Pa 3 March mu 2015, abashilika baebele Inte sha kwa Yehova ukuti babapeele amakii ya Ng’anda ya Bufumu pa kuti baisangule umwa kwikala abashilika.

ANTRATSYT—Abekala calo bapoka Ing’anda ya Bufumu.

• Imiku ibili mu September mu 2014, abantu abo tushaishiba bwino balingiile mu Ng’anda ya Bufumu. Balibile ifipe fya malaiti ifyalimo no kulemba pa cibumba ukuti, “Orthodox Cossacks!”

• Pa 25 September mu 2014, babilishe ukuti Amayanda ya Bufumu aya Nte sha kwa Yehova bayapoka pa kuti baleyabomfya ku fintu fimbi pamo nga umwa kusambilila abana.

ROVENKY—Abashilika bapoka Ing’anda ya Bufumu.

• Pa 23 September mu 2014, abashilika ukufuma ku St. George Battalion balingiile mu Ng’anda ya Bufumu no kweba ba Nte ukuti bekabwela. Abashilika e batendeka ukwikalamo.

PEREVALSK—Abashilika bapoka Ing’anda ya Bufumu.

• Pa 5 November mu 2014, abashilika abaletungululwa ne nkonkani ya mukalamba wa bashilika balingiile mu cikuulwa no kweba ba Nte ukuti bapoka icikuulwa kabili bakulacibomfya nga umwa kuliila. Inkonkani ya mukalamba wa bashilika yatile, “Natubinda Inte sha kwa Yehova.” Alandile no kuti ba Nte tabakulashimikila nangu ukulongana.

KRASNYI LUCH—Abashilika bapoka Ing’anda ya Bufumu.

• Pa 5 December mu 2014, abashilika balingiile mu Ng’anda ya Bufumu. Balitendeke ukuilonda kabili balibikilepo na mamotoka ya bashilika.

BRIANKA—Abashilika bapoka Ing’anda ya Bufumu.

• Pa 26 March, mu 2015, abashilika balingiile mu Ng’anda ya Bufumu. Balisendele ifipuna fyonse ifyalimo kabili balifumishe ne cipampa ca Ng’anda ya Bufumu no kubikapo icipampa apo balembele ukuti, “The Almighty Don Host.”