Abantu abengi baletontonkanya ukuti takuli nangu cimo icingapwisha amafya ayo abantu bali no kukwata mu 2024. Lelo kwaliba ifingalenga twaba ne subilo lya kuti ifintu fikawama ku ntanshi. Nomba ni kwisa twingasanga ifingalenga twaba ne subilo?

 Baibo yalilaya ukuti Lesa akafumyapo amafya yonse ayalenga abantu bakaana ukuba ne subilo. Nomba line, Lesa “akafuuta ifilamba fyonse ku menso yabo, ne mfwa tayakabeko na kabili, takwakabe no kuloosha nangu ukuteta nangu ukukalipwa na kabili.”—Ukusokolola 21:4.

•   Pa kuti mwishibilepo na fimbi ifyo Baibo yalaya pa fyo ifintu fikaba ku ntanshi, belengeni icipande cileti “Isubilo lya Kuti Ifintu Fikawama ku Ntanshi lya Cine.”

 Baibo yalilanda pa fyo ifintu fikaba ku ntanshi kabili ifyo yalanda kuti fyalenga mwaba ne subilo lya kuti ifintu fikawama ku ntanshi. (Abena Roma 15:13) Ifyo Baibo ilanda kuti fyamwafwa ukushipikisha amafya mukwata pali ino nshita pamo nga ubupiina, ulufyengo no kulwala.

•   Moneni ifintu ifyo Baibo yalaya fya-afwile umwaume umo ukuba no mutende ne nsansa nangu ca kuti akuliile mu lupwa ulupiina. Tambeni vidio itila Ba Juan Pablo Zermeño: Yehova Alingafwa Ukuba ne Nsansa sha Cine Cine.

•   Moneni ifyo Baibo ingamwafwa nga ca kuti mulaipeela umulandu, muli no bulanda, amasakamika nelyo umuntu mwatemwa nga afwa. Belengeni icipande citila “Can I Find Words of Comfort in the Bible?”

•   Moneni ifyo umwanakashi uwabombele ubushilika pa myaka iingi uwalandile ukuti “ali mu mfifi kabili tabikile amano ku bantu” aishileba ne isubilo pa mulandu ne fyo Baibo yalaya. Tambeni vidio itila I Put Down My Rifle.

 Lekeni umwaka wa 2024 ukabe uusuma kuli imwe na ku lupwa lwenu. Ishibilenipo na fimbi pa fyo Baibo ingamwafwa. Lembesheni ukusambilila Baibolo tendekeni ukusambilila Baibolo ne Nte sha kwa Yehova. Moneni ifyo Lesa engamwafwa ukuba na “matontonkanyo ya mutende” pali ino nshita e lyo ne “nshita ya ku ntanshi iisuma ne subilo”—Yeremia 29:11.