MULELOLA!
Bushe Akapaatulula ka Mushobo Kuti Kapwa?—Finshi Baibo Yalandapo?
Abantu abengi balafwaisha ukuti abantu aba mishobo yonse baleumfwana lelo taficitika.
“Mwi sonde fye lyonse, mu fifulo abantu babombela mutubungwe na mu bwikashi fye mwaliba akapaatululula ka mishobo. Akapaatulula ka mishobo kalilenga abantu baba no lufyengo.”—E fyalandile Ba António Guterres, ba Secretary-General ba UN.
Bushe kukaba inshita ilyo kushakabe akapaatulula ka mishobo? Finshi Baibo ilanda?
Ifyo Lesa amona akapaatulula ka mushobo
Baibo ilatweba ifyo Lesa amona abantu abalekanalekana.
“Mu muntu umo e mo [Lesa] alengeele inko shonse isha bantunse.”—Imilimo 17:26.
“Lesa taba na kapaatulula, lelo umuntu uwa mu luko lonse uutiina Lesa no kucita icalungama alapokelelwa kuli ena.”—Imilimo 10:34, 35.
Baibo ilondolola ukuti abantu bonse baba mu lupwa lumo kabili Lesa alapokelela abantu aba mu nko shonse.
Ifyo akapaatulula ka mushobo kakapwa
Ubufumu bwa kwa Lesa e kutila ubuteko bwa ku muulu e bukafumyapo akapaatulula ka mushobo. Ubu buteko bukasambilisha abantu ukukanaba na kapaatulula. Abantu bakaleka ukulapata aba mishobo imbi nga fintu caba pali ino nshita.
“Abekashi ba pa calo bakasambilila ubulungami.”—Esaya 26:9.
“Umulimo wa bulungami bwa cine ukaba umutende; no mulimo wa bulungami bwa cine ukaba tondolo no mutelelwe umuyayaya.”—Esaya 32:17.
Muno nshiku abantu abengi nga nshi balesambilila muli Baibo ifyakucindika abantu.
Nga mulefwaya ukwishibilapo na fimbi, belengeni Loleni! Iyakwata umutwe uutila “Bushe Akapaatulula Kuti Kapwa?”
Belengeni icipande citila “Talking to Children About Racism” pa kuti musambilile ifyo abafyashi bengalanshanya na bana pali ili lyashi.
Nalimo Kuti Mwatemwako ne fi
AMASAMBILISHO YA MU BAIBO AYACINDAMA
Bushe Ubufumu bwa kwa Lesa ni Cinshi?
Ilyo Yesu ali pano isonde alesambilisha sana pa Bufumu bwa kwa Lesa ukucila pa lyashi ili lyonse. Pa myaka iingi abantu abengi balapepa ukuti ubu Bufumu bwise.
BAIBOLO ILAALULA ABANTU
Nalefwaya Ukupwisha Ulufyengo
Ba Rafika baingile mwi bumba lya balelwisha ubuntungwa. Lelo balibelengele amalayo ayaba mu Baibolo aya kuti Ubufumu bwa kwa Lesa bukaleta umutende no mulinganya pa calo.
ULUPUNGU LWA KWA KALINDA
Ni Lilali Ilyo Kushakabe Ulupato?
AMALYASHI AYALEKANALEKANA
Isubilo lya Kuti Ifintu Fikawama ku Ntanshi lya Cine
Mulandu nshi ifyo amalayo yaba mu Baibolo yapusana ne fyo abantunse balaya no kusobela?
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
