MULELOLA!
Bushe Abena Kristu Kuti Balwako Inkondo?—Finshi Baibolo Yalandapo?
Nga fintu cili pali ino nshita ilyo kuli inkondo ku Ukraine, intungulushi shamapepo shiletungilila sana inkondo. Moneni ifyo bashimapepo ba mu fyalo fyonse fibili baletungilila inkondo:
“Tuletasha sana no kucindika abashilika besu abalecingilila icalo cabo ica Ukraine ku balebalwisha . . . Tulemutontonkanyapo lyonse, tulemupepelako kabili tulemutungilila.”—E fyalandile shimapepo Metropolitan Epiphanius I of Kyiv, ifyo balembele muli The Jerusalem Post, iya March 16, 2022.
“Umukalamba we calici lya ba Orthodox iya mu Russia alipekenye ukulongana pa Mulungu uko aitile abashilika, no kubakoselesha ukuti bacingilile icalo cabo ‘pantu bena Russia fye e bengacicingilila’ pali iyi nshita balelwa inkondo ku Ukraine.”—Reuters, April 3, 2022.
Bushe Abena Kristu balingile ukulwako inkondo? Finshi Baibolo yalandapo?
Ifyo Baibolo ilanda
Baibolo itila bonse abakonka Yesu Kristu tabalwako inkondo.
“Bwesesha ulupanga umo lwikala, pantu bonse ababomfya ulupanga bakafwa ku lupanga.”—Mateo 26:52.
Bushe umuntu nga aletungilila inkondo nelyo nga alelwako ninshi alekonka ifyo Yesu alandile?
“Ndemupeela ifunde ilipya, ilya kuti muletemwana; ifyo namutemenwe, e fyo na imwe muletemwana. Nga muletemwana, e lyo bonse bakeshiba ukuti muli basambi bandi.”—Yohane 13:34, 35.
Bushe umuntu uutungilila inkondo ninshi alelanga ukuti aliba no kutemwa uko Yesu alandile ukuti e kwali no kulenga abantu baishiba abasambi bakwe?
Nga mulefwaya ukwishibilapo na fimbi, belengeni icipande citila “Bushe Abena Kristu Balingile Ukulwa Inkondo?”
Ifyo Abena Kristu balingile ukumona inkondo muno nshiku
Bushe kuti twaenekela Abena Kristu ukukanatungililako nelyo ukulwako inkondo? Ee. Baibolo yasobele ukuti muli shino nshiku isho ita ukuti “inshiku sha kulekelesha,” mukaba abantu aba mu nko shonse ‘abashakasambilile inkondo na kabili’ nga fintu Yesu alesambilisha.—Esaya 2:2, 4.
Pa kuti mwishibilepo na fimbi, belengeni icipande ca mu Ulupungu lwa kwa Kalinda icitila “Bushe Lesa Amona Shani Ukulwa Inkondo?”
Nomba line Yehova, a “Lesa wa mutende,” akabomfya ubufumu bwa ku muulu pa kulubula abantu “ukufuma ku ba mutitikisha na ku ba bunkalwe.”—Abena Filipi 4:9; Amalumbo 72:14.
Pa kuti mwishibe ifyo akacita, tambeni vidio itila Bushe Ubufumu bwa kwa Lesa ni Cinshi?
a Yehova e shina lya kwa Lesa.—Amalumbo 83:18.
Nalimo Kuti Mwatemwako ne fi
MULELOLA!
Ifyo Imipepele Iletungilila Inkondo mu Ukraine—Finshi Baibolo Yalandapo?
Ifyo intungulushi shamapepo mu Russia na mu Ukraine shilecita na fipusana ne fyo Yesu asambilishe abasambi bakwe.
AMASAMBILISHO YA MU BAIBO AYACINDAMA
Mulandu Nshi Lesa Asuminishisha Ukucula?
Abantu abengi balepusha ico mu calo mwafulila ulupato no kucula. Mu Baibolo mwaliba amasuko kuli aya mepusho.
LOLENI!
Ifyo Baibolo Isambilisha pa Nkondo
Kale abena Israele nga balelwa inkondo, balelwila mwi shina lya kwa Lesa wabo, Yehova. Bushe ici cilepilibula ukuti Lesa alasuminisha abantu ukulwa inkondo muno nshiku?
AMASUKO KU MEPUSHO YA MU BAIBOLO
Bushe Ubufumu bwa kwa Lesa Cinshi?
Moneni ico Ubufumu bwa kwa Lesa bwawamina ukucila amabufumu yonse.
AMALYASHI AYALEKANALEKANA
Bushe Imipepele Ifwile Ukuibimba mu Fikansa fya Calo?
Mwi sonde lyonse, abantu abengi abatila bena Kristu balaitumpa mu fikansa fya calo. Bushe e fyo bafwile ukucita?
AMASAMBILISHO YA MU BAIBOLO
Tendekeni ukusambilila Baibolo ne Nte sha kwa Yehova
Tendekeni ukusambilila baibolo ne Nte sha kwa Yehova ukwabula ukulipila.
