Surasak Suwanmake/Moment via Getty Images
MULELOLA!
Umwela Uwakabisha uwa mu Lusuba mwi Sonde Lyonse mu 2023—Finshi Baibo Yalandapo?
Abantu mwi sonde lyonse baleshipikisha pa mulandu wa fyo kukabile sana e lyo na mafya yambi ayesako pa mulandu no kukaba. Umfweni ifyo ama lipoti yamo yalandile:
“Mu myaka 174 iyapita, uno e mwaka kwakabapo umusango uyu mu mweshi wa June.”—E fyalandile lipoti ya National Oceanic and Atmospheric Administration, U.S. Department of Commerce, iya pa 13 July, 2023.
“Ku Italy, ku Spain, ku France, ku Germany na ku Poland kulekaba sana kabili nalimo kukalafika na kuli 48°C, lyena ku fishi fya Sicily na ku Sardinia kwena nalimo e kukakabishapo kabili uno nalimo e muku wa kubalilapo mu Europe mukakabapo ifi.”—E fyalandile lipoti ya ba European Space Agency, pa 13 July, mu 2023.
“Apo isonde lilekaba sana, tule-enekela ukuti kukaba imfula iingi kabili ici nalimo cikalenga kukabe sana bamulamba.”—E fyalandile ba Stefan Uhlenbrook, abakalamba ba kabungwe ka World Meteorological Organization, pa 17 July, mu 2023.
Bushe nga mwaumfwa ama lipoti ya musango uyu pa miceele naimwe mulasakamana? Umfweni ifyo Baibo ilanda pali ili lyashi.
Bushe ukwaluka kwa miceele kulafikilisha amasesemo ya mu Baibo?
Ee. Ukukaba kwe sonde e lyo no kwaluka kwa miceele mu nshila shimbi kulafikilisha ifyo Baibo yalandile ukuti e fikalacitika muli shino nshiku. Ku ca kumwenako, Yesu asobele ukuti kukaba “ifya kutiinya” ifikalacitika. (Luka 21:11) Ifi isonde lilekaba sana filelenga abengi balesakamana no kulamona kwati abantunse bali no konaula isonde.
Bushe abantu bakaleka ukwikala pe sonde?
Awe. Lesa apangile isonde pa kuti tukatwalilile ukulaikalamo kanshi takaleke abantunse ukulyonaula. (Amalumbo 115:16; Lukala Milandu 1:4) Na kuba, alilaya ukuti ali no “konaula abaleonaule isonde.”—Ukusokolola 11:18.
Baibo ilanda ukuti Lesa kuti acingilila isonde ku kwaluka kwa miceele kabili ifi fine e fyo akacita.
“[Lesa] alenga icikuku ca mwela ukutalala, pa kuti amabimbi ya pali bemba yabe tondolo.” (Amalumbo 107:29) Lesa alikwata amaka ayengalenga acitapo fimo pa fintu ifyo abumba. Alikwata amaka ya kuwamya ifyo abumba no kufumyapo amafya abantu bakwata pa mulandu no kwaluka kwa miceele.
“Mwalolesha pe sonde, pa kuti mulipeele ifingi; Mwalicindamika nga nshi.” (Amalumbo 65:9) Lesa ali no kulenga isonde ukuba paradaise.
Nga mulefwaya ukwishibilapo na fimbi pa fyo Baibo yatulaya ukuti Lesa ali no kuwamya isonde, moneni icipande citila, “Nani Uukapususha Isonde?”
Nalimo Kuti Mwatemwako ne fi
AMALYASHI AYALEKANALEKANA
Ukwaluka kwa Miceele ne fyo Ikaba ku Ntanshi—Finshi Baibolo Yalandapo?
Bushe kabumba alasakamana isonde na bantu abekalamo?
AMASUKO KU MEPUSHO YA MU BAIBOLO
Bushe Isonde Likonaulwa?
Baibolo ilalanda ukwabula no kupita na mu mbali ico Lesa apangiile isonde.
AMALYASHI AYALEKANALEKANA
Nani Uukapususha Isonde?
Abantu bamo abasambilila sana pa fye sonde balanda ukuti abantu pali ino nshita balyonaula ifintu ifingi e lyo ne misango ya fya mweo ifyalekanalekana kabili ici calilenga imisango imo iya fya mweo ifyaliko ukukanabako.
AMASAMBILISHO YA MU BAIBO AYACINDAMA
Mulandu Nshi Lesa Apangiile Icalo?
Mu calo mwaliba ifintu ifisuma ifingi. Caba pa ntamfu iyalinga ukufuma ku kasuba, calibeyama bwino sana, kabili tacibutukisha nelyo ukushinguluka panono sana. Cinshi Lesa apangiile isonde ilisuma ifi?
AMALYASHI AYALEKANALEKANA
Isubilo lya Kuti Ifintu Fikawama ku Ntanshi lya Cine
Mulandu nshi ifyo amalayo yaba mu Baibolo yapusana ne fyo abantunse balaya no kusobela?
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
