1 Imilandu 12:1-40
12 Kabili aba e baishile kuli Davidi pa Siklagi+ ninshi talatendeka ukwenda umuntungwa pa mulandu wa kwa Shauli+ mwana Kishi; kabili bali pa ba maka,+ abaleafwilisha mu bulwi,
2 abaipangeshe na mata, abalepoosa amabwe+ nelyo imifwi+ mu mata+ ku kuboko kwabo ukwa ku kulyo no kwa ku kuso.+ Bali ni bamunyina Shauli, aba muli Benjamini.
3 Kwali Ahiesere umukalamba na Yoashi abana ba kwa Shema umwina Gibea,+ na Yesiele na Pelete abana ba kwa Asmabete,+ na Beraka na Yehu umwina Anatote,+
4 na Ishmaya umwina Gibeone,+ uwa maka pa bantu amakumi yatatu (30)+ kabili aleangalila abantu amakumi yatatu; na Yeremia na Yahasiele na Yohanani na Yosabadi umwina Gedere,+
5 Elusai na Yerimote na Bealia na Shemaria na Shefatia umwina Harifu,
6 Elkana na Ishia na Asarele na Yoesere na Yashobeamu, abena Kora,+
7 na Yoela na Sebadia abana ba kwa Yerohamu uwa ku Gedore.
8 Kabili kwali abena Gadi bamo abaipaatwilile kuli Davidi pa ncende yayafishe ukuyako mu matololo,+ abaume impalume, aba maka, abaume basambilishiwe ukulwa inkondo, abalesenda inkwela ikalamba ne fumo nabaipekanya,+ abo pa menso yabo palemoneka kwati ni pa menso ya nkalamo,+ kabili balebutukisha kwati ni mpombo pa mpili.+
9 Esere e wali umukalamba, Obadia uwalenga bubili, Eliabu uwalenga butatu,
10 Mishmana uwalenga bune, Yeremia uwalenga busano,
11 Atai uwalenga mutanda (6), Eliele uwalenga cinelubali (7),
12 Yohanani uwalenga cinekonsekonse (8), Elsa uwalenga pabula (9),
13 Yeremia uwalenga ikumi (10), Makbanai uwalenga ikumi na umo (11).
14 Aba e bali abana ba kwa Gadi,+ abakalamba ba bashilika. Uwali umunono alelwa na bantu umwanda umo (100), e lyo uwali umukalamba alelwa na bantu ikana limo (1,000).+
15 Aba e bayabwike umumana wa Yordani+ mu mweshi wa kubalilapo ilyo wapoosele ukufika na mu lulamba,+ e lyo batamfishe bonse aba mu mpanga yabatama, ku kabanga na ku masamba.
16 Kabili bamo pa bana ba kwa Benjamini na bana ba kwa Yuda baishile ku ncende iyayafishe ukuyako,+ kuli Davidi.
17 E lyo Davidi afumine mu kubamona no kubasuka no kubeba ati: “Nga mwaisa ku kungafwa pa kuti mucite umutende+ na ine, umutima wandi uleba na imwe+ mu mutende. Lelo nga mwishile ku kumpeela ku balwani bandi ilyo tapali ico nalufyanya,+ lekeni Lesa+ wa fikolwe fyesu amone kabili alungike.”+
18 Kabili umupashi+ waishile pali Amasai, umukalamba wa bali amakumi yatatu (30) na o atile:“Tuli bantu benu, mwe Davidi, kabili tuli na imwe,+ mwe mwana Yese.Umutende, umutende ube na imwe, kabili umutende ube no ulemwafwa,Pantu Lesa wenu namwaafwa.+”Awe Davidi alibapokelele no kubabika abakalamba ba bashilika.+
19 Kabili kwali bamo aba muli Manase abawilile kuli Davidi ilyo aishile na baPelishiti+ ku kulwa na Shauli; lelo tabafwilishe, pantu pa kupandana amano bakateka+ ba baPelishiti balimutamfishe, abati: “Akalukila kuli Shikulu wakwe Shauli no kuletelela imitwe yesu.”+
20 Ilyo aishile ku Siklagi+ bawilile kuli ena aba muli Manase Adna na Yosabadi na Yediaele na Mikaele na Yosabadi na Elihu na Siletai, abakalamba+ ba bantu amakana aba kwa Manase.
21 Kabili bena bali no kula-afwilisha Davidi ukulwisha ifipondo,+ pantu bonse bali baume ba maka+ abashipa, kabili baishileba abakalamba ba bashilika;
22 pantu cila bushiku abantu baleisa+ kuli Davidi ku kumwaafwa, mpaka baba ibumba ilikalamba,+ nge bumba lya kwa Lesa.+
23 Kabili iyi yali e mpendwa ya bashilika abaipekenye ukuya ku nkondo abaishile kuli Davidi ku Hebrone+ ku kwalwila ukuteka+ kwa kwa Shauli kuli ena ukulingana ne fyo Yehova asosele.+
24 Abana ba kwa Yuda abalesenda inkwela ikalamba ne fumo bali amakana mutanda ne myanda cinekonsekonse (6,800), abaipekenye ukuya ku nkondo.
25 Mu bana ba kwa Simeone, abaume ba maka abashipa aba mwi bumba lya bashilika amakana cinelubali no mwanda umo (7,100).
26 Aba mu bana ba kwa Lebi bali amakana yane ne myanda mutanda (4,600).
27 Kabili Yehoyada ali e ntungulushi+ ya bana ba kwa Aarone,+ kabili ali pamo na bantu amakana yatatu ne myanda cinelubali (3,700).
28 Na Sadoke+ umulumendo, uwa maka kabili uwashipa, ne ng’anda ya fikolwe fyakwe, bamushika amakumi yabili na babili (22).
29 Mu bana ba kwa Benjamini,+ bamunyina Shauli,+ mwali amakana yatatu (3,000), kabili ukufika ilya nshita abengi pali bena balelinda nga nshi ing’anda ya kwa Shauli.
30 Kabili mu bana ba kwa Efraimu mwali amakana amakumi yabili ne myanda cinekonsekonse (20,800), abaume ba maka+ abashipa, abaume balumbuka, ukulingana ne ng’anda ya fikolwe fyabo.
31 Kabili ukufuma muli hafu wa mukowa wa kwa Manase+ kwali amakana ikumi na cinekonsekonse (18,000) abalumbwilwe amashina pa kuti bayebika Davidi pa bufumu.
32 Kabili mu bana ba kwa Isakari,+ abaishibe ukwilula inshita+ no kwishiba ifyo abena Israele balekabila ukucita,+ bali abakalamba babo imyanda ibili (200), na bamunyinabo bonse baletungululwa kuli bena.
33 Aba muli Sebuluni+ abaleya mu kulwa, abaleya ku bulwi ne fyanso fya bulwi fyonse, bali amakana amakumi yasano (50,000), kabili tabali na mitima ibili pa kulonganina kuli Davidi.
34 Kabili muli Naftali+ mwali abakalamba ba bashilika ikana (1,000), kabili bali pamo na bashilika amakana amakumi yatatu na makana cinelubali (37,000) abasendele inkwela ne fumo.
35 Kabili aba muli Dani abaleya mu bulwi bali amakana amakumi yabili na makana cinekonsekonse ne myanda mutanda (28,600).
36 Kabili aba muli Ashere+ abaleya mu bulwi bali amakana amakumi yane (40,000).
37 Kabili kwi shilya lya Yordani+ aba mu bena Rubene na bena Gadi na hafu wa mukowa wa kwa Manase bonse abali ne fyanso fya bulwi kulya kwine bali amakana umwanda umo na makana amakumi yabili (120,000).
38 Aba bonse bali baume ba bulwi, abaleba pamo mu bulwi; kabili baishile no mutima+ onse ku Hebrone ku kubika Davidi ukuba imfumu ya bena Israele bonse; na bonse abashala muli Israele bali no mutima umo pa kucita Davidi imfumu.+
39 Kabili baikele kulya kwine na Davidi inshiku shitatu, balelya no kunwa,+ pantu bamunyinabo balibateyanishishe.
40 Kabili bonse abali mupepi na bo, ukufika na kuli Isakari+ na Sebuluni+ na Naftali,+ baleleta ifya kulya pa mpunda+ na pa ngamila na pa mfalashi na pa ng’ombe, ifya kulya ifyo balepangila ku buunga,+ imikate ya mikunyu+ yakamwa ne mikate ya fimama+ no mwangashi+ na mafuta+ ne ng’ombe+ ne mpaanga+ kabili ifyo baletele fyali ifingi nga nshi, pantu kwali ukusekelela+ muli Israele.
