1 Imilandu 14:1-17
14 Kabili Hiramu+ imfumu ya Turi+ atumine inkombe kuli Davidi no kumutumina ifimuti+ fya mikedari na ba kukuula ifibumba na bakabasa aba kumukuulila ing’anda.+
2 E lyo Davidi aishibe ukuti Yehova nakosha+ ubufumu bwakwe pali Israele, pantu ukuteka kwakwe kwalisansabikwe pa mulandu wa bantu bakwe abena Israele.+
3 Kabili Davidi aupile abanakashi+ na bambi mu Yerusalemu, kabili Davidi afyele abana na bambi abaume na banakashi.+
4 Kabili amashina ya bana abo afyalile mu Yerusalemu ni aya: Shamua+ na Shobabu,+ Natani+ na Solomone,+
5 na Ibhari+ na Elishua na Elipelete,+
6 na Noga na Nefege+ na Yafia,
7 na Elishama+ na Beeliada na Elifelete.+
8 Na baPelishiti balyumfwile ukuti nabasuba Davidi ukuba imfumu ya bena Israele+ bonse. E lyo abaPelishiti bonse baile ku kufwaya Davidi.+ Ilyo Davidi aumfwile, alile pa kuti ayelwa na bo.
9 Na baPelishiti balishile no kulasansa mu mpanga yabatama iya Refaimu.+
10 Kabili Davidi aipwishe Lesa,+ ati: “Bushe njelwisha abaPelishiti, kabili bushe mulebapeela mu minwe yandi?” Na o Yehova atile kuli ena: “Kabiye, kabili nkabapeela mu minwe yobe.”
11 Awe Davidi aile ku Baali-perasimu+ no kubepaya. E lyo Davidi atile: “Lesa wa cine nampeela amaka ya kupongola abalwani bandi kwati menshi.” E co bainikile ilya ncende+ ati Baali-perasimu.
12 E ico bashile tulesa twabo palya pene.+ Kabili Davidi e pa kweba abantu, na bo e pa kutooca mu mulilo.+
13 Pa numa abaPelishiti baishilesansa na kabili mu mpanga yabatama.+
14 E lyo Davidi abwekeshepo ukwipusha+ kuli Lesa, kabili Lesa wa cine na o amwebele ati: “Wiya ku kulwa na bo. Pitila ku numa yabo, kabili ubasanshile ku ntanshi ya fimpusa fya bakha.+
15 Nomba, ilyo walaumfwa inshindo pa muulu wa fimpusa fya bakha,+ e lyo uye ubalwishe,+ pantu Lesa wa cine ninshi natangila pa ntanshi yobe+ ku kusansa inkambi ya baPelishiti.”
16 E ico Davidi acitile nge fyo Lesa wa cine amwebele,+ kabili baipeye abashilika ba baPelishiti ukufuma ku Gibeone+ ukuyafika na ku Gesere.+
17 Kabili ululumbi+ lwa kwa Davidi lwaile mu fyalo fyonse, kabili Yehova alengele inko shonse ukumutiina.+
