1 Imilandu 19:1-19
19 Nomba pa numa ya ifi, Nahashi+ imfumu ya bana ba kwa Amone alifwile, kabili umwana wakwe e wamupyene no kutendeka ukuteka.+
2 E ico Davidi atile: “Nalaba ne cikuuku+ kuli Hanuni mwana Nahashi, pantu wishi ali ne cikuuku kuli ine.”+ Awe Davidi atumine inkombe ku kuyamusansamusha pa mfwa ya kwa wishi, kabili ababomfi ba kwa Davidi bafikile mu calo ca bana ba kwa Amone+ kuli Hanuni ku kumusansamusha.
3 Lelo, bacilolo ba bana ba kwa Amone batile kuli Hanuni: “Bushe imwe muleti Davidi alecindika shinwe ifi atumine aba kumusansamusha? Bushe ababomfi bakwe tabeshile kuli imwe+ pa kuti bafwayefwaye mu calo no kufwaya ifya kuconaula no kucilengula?”+
4 E ico Hanuni abuulile ababomfi ba kwa Davidi,+ ababeyele imyefu+ no kuputula ifya kufwala fyabo ukufika pa matako+ e lyo abalekele baya.+
5 Pa numa abantu baliile no kweba Davidi ifyacitikile aba baume; kabili ilyo line fye atumine aba kuyabakumanya, pantu aba baume baliseebene nga nshi; kabili imfumu yatile: “Ikaleni mu Yeriko+ mpaka imyefu yenu ikamene. E lyo mukabwele.”
6 Umuya inshiku abana ba kwa Amone bamwene ukuti Davidi nabapata,+ kabili Hanuni+ na bana ba kwa Amone batumine amatalanti ya silfere ikana limo (1,000)+ aya kwashimina amaceleta+ na bale-endela pali bakabalwe ukufuma ku Mesopotamia na ku Aramu-maaka+ na ku Soba.+
7 E ico ba-ashime amaceleta+ amakana amakumi yatatu na makana yabili (32,000) ne mfumu ya ku Maaka na bantu ba iko.+ Kabili balingile no kukuula inkambi ku ntanshi ya Medeba;+ awe abana ba kwa Amone, balilongene ukufuma mu misumba yabo no kwisa ku kulwa.
8 Ilyo Davidi aumfwile, ilyo line fye atumine Yoabu+ na bashilika bonse ne mpalume.+
9 Kabili abana ba kwa Amone balifumine no kuiteyanishisha ukulwa, pa mwinshi wa musumba kabili ishamfumu+ ishaishile na sho shaiteyanishishe ukulwa mu mpanga.
10 Ilyo Yoabu amwene ukuti balemusansa icabipisha ku ntanshi na ku numa, ilyo line asalile abaume ba maka bamo aba mu Israele no kubateyanya ukuti bakumanye abena Siria.+
11 Na bantu abashala abapeele kuli Abishai+ munyina, pa kuti abateyanishishe ukulwa na bana ba kwa Amone.+
12 Kabili atile: “Nga ca kuti abena Siria+ bancila amaka, wise unjafwe;+ lelo nga ca kuti abana ba kwa Amone bakucila amaka, na ine ndekwafwa.+
13 Kosa,+ pa kuti tushipe ukwafwa abantu besu ne misumba ya kwa Lesa wesu;+ kabili Yehova ena, alacita icawama mu menso yakwe.”+
14 E lyo Yoabu na bantu abali nankwe baile ku bena Siria ku kulwa,+ kabili balifulumwike+ ku cinso cakwe.
15 Kumfwa abana ba kwa Amone bena, ilyo bamwene ukuti abena Siria bafulumuka, na bo bafulumwike+ Abishai munyina kabili baile mu musumba.+ Pa numa Yoabu aile mu Yerusalemu.
16 Ilyo abena Siria bamwene ukuti abena Israele babacimfya,+ batumine inkombe no kuyasenda abena Siria abali mu ncende ya Mumana,+ kabili Shofaki umukalamba wa bashilika ba kwa Hadadesere e walebatungulula.
17 Ilyo bashimikile Davidi ili lyashi, ilyo line fye alongenye abena Israele bonse pamo no kwabuka Yordani no kuiteyanya ukulwa na bo.+ Ilyo Davidi aiteyenye ukulwa na bena Siria, batendeke ukulwa nankwe.
18 Lelo abena Siria balifulumwike+ pa mulandu wa bena Israele; na Davidi aipeyepo abena Siria aba pa maceleta amakana cinelubali (7,000) na baume abale-enda pa makasa amakana amakumi yane (40,000), kabili aipeye na Shofaki umukalamba wa bashilika.+
19 Ilyo ababomfi ba kwa Hadadesere bamwene ukuti balibacimfishe ku bena Israele,+ ilyo line bapangile umutende na Davidi no kutendeka ukumubombela;+ kabili Siria tafwaile ukwesha ukupususha abana ba kwa Amone na kabili.+
