1 Imilandu 23:1-32
23 Kabili Davidi alikotele+ no kwikala inshiku ishingi, e ico abikile Solomone+ umwana wakwe ukuba imfumu ya Israele.
2 Kabili alonganike bacilolo+ bonse aba kwa Israele na bashimapepo+ na bena Lebi.+
3 Awe abena Lebi balibapendele ukufuma pa bali ne myaka amakumi yatatu (30) no kucilapo;+ kabili impendwa yabo, ukupenda umo umo, umuntu no muntu, bali amakana amakumi yatatu na makana cinekonsekonse (38,000).
4 Pali aba pali amakana amakumi yabili na yane (24,000) abaleangalila umulimo pa ng’anda ya kwa Yehova; kabili bamushika+ na bapingushi+ ba milandu bali amakana mutanda (6,000);
5 na balinshi ba mpongolo+ amakana yane (4,000) na makana yane abalelumbanya+ Yehova pa filimba+ ifyo Davidi atile, “nafipangiile ukulumbanishishako.”
6 Kabili Davidi abaakenye mu mabumba+ ku bana ba kwa Lebi,+ kuli Gershone, Kohati na Merari.
7 Ku bena Gershone ni Ladani na Shimei.
8 Abana ba kwa Ladani bali ni Yehiele+ umukalamba na Setani na Yoele,+ batatu.
9 Abana ba kwa Shimei bali ni Shelomote na Hasiele na Harani, batatu. Aba e bali abakalamba ba mu lupwa lwa kwa Ladani.
10 Kabili abana ba kwa Shimei bali ni Yahati, Sina na Yeushi na Beria. Aba bane e bali abana ba kwa Shimei.
11 Kabili Yahati e wali umukalamba, na Sisa e walengele bubili. Yeushi na Beria bena, tabakwete abana baume abengi; e ico baishileba ing’anda ya bashibo+ iya balaashikwa.
12 Abana ba kwa Kohati+ bali ni Amramu, Isari,+ Hebrone+ na Usiele,+ bane.
13 Abana ba kwa Amramu bali ni Aarone+ na Mose.+ Lelo Aarone alipaatwilwe+ pa kuti asangulule Umuputule wa Mushilo Nga Nshi,+ ena na bana bakwe umuyayaya, pa kuti baleoca icushi ce lambo+ kuli Yehova, pa kuti balemubombela+ no kupaalila+ mwi shina lyakwe umuyayaya.
14 Lelo Mose umuntu wa kwa Lesa wa cine,+ ena abana bakwe balependelwa mu mukowa wa bena Lebi.+
15 Abana ba kwa Mose bali ni Gershomu+ na Eliesere.+
16 Abana ba kwa Gershomu bali ni Shebuele+ uwali umukalamba.
17 Kabili abana ba kwa Eliesere bali ni Rehabia+ uwali umukalamba; kabili Eliesere takwete abana baume bambi, lelo abana baume aba kwa Rehabia balifulile nga nshi.
18 Abana ba kwa Isari+ bali ni Shelomiti+ uwali umukalamba.
19 Abana ba kwa Hebrone bali ni Yeria uwali umukalamba, Amaria uwa bubili, Yahasiele uwa butatu na Yekameamu+ uwalenga bane.
20 Abana ba kwa Usiele+ bali ni Mika uwali umukalamba na Ishia uwa bubili.
21 Abana ba kwa Merari+ bali ni Maali na Mushi.+ Abana ba kwa Maali bali ni Eleasari+ na Kishi.
22 Lelo Eleasari alifwile; kabili takwete abana abaume lelo akwete fye abana abanakashi. E ico abana ba kwa Kishi bamunyinabo baliboopile.+
23 Abana ba kwa Mushi bali ni Maali na Edere na Yeremote,+ batatu.
24 Aba e bali abana ba kwa Lebi ukulingana ne ndupwa shabo,+ intungulushi sha ba mu ndupwa shabo, ukulingana na balaashikwe pali bena, ifyo bapendelwe mu mashina yabo, cila ntungulushi pali bena, abalebomba umulimo+ pa ng’anda ya kwa Yehova, ukutula pa bali ne myaka amakumi yabili (20) no kucilapo.+
25 Pantu Davidi atile: “Yehova Lesa wa kwa Israele alipeela ukutuusha ku bantu bakwe,+ kabili akekala mu Yerusalemu umuyayaya.+
26 Kabili na bena Lebi tabakulasenda icikuulwa ca mushilo nangu ifipe fyonse ifya kubomfya mu kupepa.”+
27 Pantu ukulingana na mashiwi+ ya kulekelesha aya kwa Davidi iyi e yali impendwa ya bana ba kwa Lebi ukufuma pa bali ne myaka amakumi yabili (20) no kucilapo.
28 Pantu mu mulimo wabo baletungululwa na bana ba kwa Aarone+ pa kuti babombe umulimo wa pa ng’anda ya kwa Yehova na pa mansa+ na mu miputule ya kuliilamo+ na pa kusangulula ica mushilo conse+ no mulimo wa mu nga’nda ya kwa Lesa wa cine,
29 no kusakamana umukate+ wa kutuntikanya no buunga+ bwapeleka ubwa mutuulo wa ngano ne fipapaatu+ ifya mukate ushatutumuka no mukate+ bapangile mu fipe+ no mufuba uo basakanyamo+ amafuta ne fipimo fyonse ifya kupiminako ukufina no bukulu;+
30 no kwiminina+ cila lucelo+ ku kutasha+ no kulumbanya+ Yehova, no kucita cimo cine icungulo;
31 na pa mutuulo onse uwa malambo ya koca kuli Yehova pa masabata,+ pa myeshi ipya+ na pa nshita ya mitebeto+ lyonse ku cinso ca kwa Yehova, ukulingana ne mpendwa kabili ukulingana na mafunde yabakumine.
32 Kabili balelinda+ icikuulwa ca kukumaninako no kulinda umuputule wa mushilo+ no kulinda abana ba kwa Aarone bamunyinabo mu mulimo wa ng’anda ya kwa Yehova.+
