1 Imilandu 25:1-31
25 Kabili Davidi na bakalamba+ ba mabumba+ ya babomfi basalilemo bamo aba kubomba pa bana ba kwa Asafi, Hemani+ na Yedutuni+ abalesesema na bansango,+ ne filimba fya nsale+ na malimba.+ Kabili abo balaashile pa mulimo wabo bafumine muli bena.
2 Aba mu bana ba kwa Asafi, ni Sakuri na Yosefe+ na Netania na Asharela,+ abana ba kwa Asafi abaletungululwa na Asafi+ uwalesesema ukulingana ne fyo imfumu yalanda.
3 Aba muli Yedutuni:+ abana ba kwa Yedutuni bali ni Gedalia+ na Seri+ na Yeshaya,+ na Shimei, Hashabia na Matitia,+ bali mutanda (6), kabili baletungululwa na shibo Yedutuni, uwalesesema na nsango pa kutasha no kulumbanya Yehova.+
4 Aba muli Hemani:+ abana ba kwa Hemani bali ni Bukia,+ Matania,+ Usiele,+ Shebuele na Yerimote, Hanania,+ Hanani, Eliata,+ Gidalti+ na Romamti-esere,+ Yoshbekasha,+ Maloti,+ Hotiri,+ Mahasiote.
5 Aba bonse bali bana ba kwa Hemani, uwalemwena imfumu ifimonwa+ fya kwa Lesa wa cine pa kuti emye ulusengo* lwakwe; e ico Lesa wa cine apeele Hemani abana baume ikumi na bane (14) na bana banakashi batatu.+
6 Aba bonse baletungululwa na shibo mu kwimba pa ng’anda ya kwa Yehova, na malimba,+ ifilimba fya nsale+ na bansango+ mu mulimo wa mu ng’anda ya kwa Lesa wa cine.
Abaletungululwa ne mfumu bali ni Asafi na Yedutuni na Hemani.+
7 Kabili bonse pamo na bamunyinabo abo basambilishe ukwimbila Yehova,+ bonse abacenjela,+ bali imyanda ibili na makumi cinekonsekonse na cinekonsekonse (288).
8 E ico abacindami+ na balanda, na baishiba+ na basambi, balipendwile+ pa kuti beshibe ifyali no kucitwa.
9 Kabili ifi e fyo bapendwile: icipendwilo ca kubalilapo kuli Asafi caponene pali Yosefe,+ icalenga bubili caponene pali Gedalia+ (ena na bamunyina na bana bakwe bali ikumi na babili [12]);
10 icalenga butatu caponene pali Sakuri,+ abana bakwe na bamunyina, ikumi na babili;
11 icalenga bune caponene pali Isri,+ abana bakwe na bamunyina, ikumi na babili;
12 icalenga busano caponene pali Netania,+ abana bakwe na bamunyina, ikumi na babili;
13 icalenga mutanda (6) caponene pali Bukia, abana bakwe na bamunyina, ikumi na babili;
14 icalenga cinelubali (7) caponene pali Yesharela,+ abana bakwe na bamunyina, ikumi na babili;
15 icalenga cinekonsekonse (8) caponene pali Yeshaya, abana bakwe na bamunyina, ikumi na babili;
16 icalenga pabula (9) caponene pali Matania, abana bakwe na bamunyina, ikumi na babili;
17 icalenga ikumi (10) caponene pali Shimei, abana bakwe na bamunyina, ikumi na babili;
18 icalenga ikumi na cimo (11) caponene pali Asarele,+ abana bakwe na bamunyina, ikumi na babili;
19 icalenga ikumi na fibili caponene pali Hashabia, abana bakwe na bamunyina, ikumi na babili;
20 icalenga ikumi na fitatu (13) caponene pali Shubaele,+ abana bakwe na bamunyina, ikumi na babili;
21 icalenga ikumi na fine (14) caponene pali Matitia, abana bakwe na bamunyina, ikumi na babili;
22 icalenga ikumi na fisano (15) caponene pali Yeremote, abana bakwe na bamunyina, ikumi na babili;
23 icalenga ikumi na mutanda (16) caponene pali Hanania, abana bakwe na bamunyina, ikumi na babili;
24 icalenga ikumi na cinelubali (17) caponene pali Yoshbekasha, abana bakwe na bamunyina, ikumi na babili;
25 icalenga ikumi na cinekonsekonse (18) caponene pali Hanani, abana bakwe na bamunyina ikumi na babili;
26 icalenga ikumi na pabula (19) caponene pali Maloti, abana bakwe na bamunyina ikumi na babili;
27 icalenga amakumi yabili (20) caponene pali Eliata, abana bakwe na bamunyina ikumi na babili;
28 icalenga amakumi yabili na cimo (21) caponene pali Hotiri, abana bakwe na bamunyina ikumi na babili;
29 icalenga amakumi yabili na fibili (22) caponene pali Gidalti, abana bakwe na bamunyina ikumi na babili;
30 icalenga amakumi yabili na fitatu (23) caponene pali Mahasiote,+ abana bakwe na bamunyina ikumi na babili;
31 icalenga amakumi yabili na fine (24) caponene pali Romamti-esere,+ abana bakwe na bamunyina, ikumi na babili.
Amafutunoti
^ Ulusengo lwa nama mu Baibolo lwimininako ukukosa, amaka, nelyo amaka ya kutungulula.