1 Imilandu 9:1-44
9 Abena Israele bonse balilembelwe ukulingana ne ntuntuko shabo;+ kabili amashina yabo yaba mwi Buuku lya Shamfumu sha mu Israele. Kabili abena Yuda basendelwe muli bunkole+ ku Babiloni pa mulandu wa kukanaba ne cishinka.
2 Kabili abekashi ba kubalilapo abali mu calo cabo bali bena Israele,+ bashimapepo,+ abena Lebi+ na baNetinimu.+
3 Na mu Yerusalemu+ mwaikele abana ba kwa Yuda+ bamo na bana ba kwa Benjamini+ bamo na bana bamo aba kwa Efraimu na ba kwa Manase.
4 Utai mwana Amihudi mwana Omri mwana Imri mwana Bani, na o ali mwana wa kwa Perese+ mwana Yuda.+
5 Kabili aba mu bena Shilo+ ni Asaya ibeli na bana bakwe.
6 Na ba mu bana ba kwa Sera+ ni Yeuele, na bamunyinabo imyanda mutanda na makumi pabula (690).
7 Kabili aba mu bana ba kwa Benjamini ni Salu mwana Meshulamu mwana Hodabiya mwana Hasenua,
8 na Ibneya mwana Yerohamu, na Ela mwana Usi mwana Mikri, na Meshulamu mwana Shefatia mwana Reuele mwana Ibniya.
9 Kabili bamunyinabo, ukulingana ne ntuntuko shabo, bali imyanda pabula na makumi yasano na mutanda (956). Aba bonse e bali abakalamba ba mayanda ya bashibo ukulingana ne mikowa yabo.
10 E lyo pali bashimapepo pali Yedaya na Yehoyaribu na Yakini,+
11 na Asaria+ mwana Hilkia mwana Meshulamu mwana Sadoke mwana Merayote mwana Ahitubu, intungulushi ya ng’anda ya kwa Lesa wa cine,
12 na Adaya mwana Yerohamu mwana Pashihuri mwana Malkiya, na Maasai mwana Adiele mwana Yaasera mwana Meshulamu mwana Meshilemiti+ mwana Imere,
13 na bamunyinabo, abali abakalamba ba mikowa yabo, bali ikana limo ne myanda cinelubali na makumi mutanda (1,760) abaume abafikapo+ ukubomba umulimo wa mu ng’anda ya kwa Lesa wa cine.
14 Kabili bamo pa bena Lebi bali ni Shemaya mwana Hashubu mwana Asrikamu mwana Hashabia+ uwafumine mu bana ba kwa Merari;
15 na Bakbakari, Hereshe na Galali, na Matania+ mwana Mika+ mwana Sikri+ mwana Asafi,+
16 na Obadia mwana Shemaya+ mwana Galali mwana Yedutuni,+ na Berekia mwana Asa mwana Elkana, uwaleikala mu mishi ya bena Netofa.+
17 Kabili bakalinda ba mpongolo+ bali ni Shalumu+ na Akubu na Talmone na Ahimani kabili munyinabo Shalumu e wali umukalamba,
18 kabili ukufika ilya nshita ali pa mpongolo+ ya mfumu ku kabanga. Aba e balelinda impongolo sha nkambi sha bana ba kwa Lebi.+
19 Kabili Shalumu mwana Kore mwana Ebiasafi+ mwana+ Kora+ na bamunyina aba mu ng’anda ya kwa wishi, abena Kora,+ baleangalila umulimo, abalelinda pa mwinshi+ wa cikuulwa ca mushilo, na bashibo baleangalila inkambi ya kwa Yehova, abalelinda pa mwinshi.
20 Na Finehasi+ mwana Eleasari+ e wali intungulushi pali bena kale. Kabili Yehova ali nankwe.+
21 Sekaria+ mwana Meshelemia e walelinda impongolo ya pa mwinshi wa cikuulwa ca kukumaninako.
22 Bonse abasalilwe ukulalinda impongolo pa minshi bali imyanda ibili ne kumi na babili (212). Bali mu mishi+ yabo ukulingana ne fyo balembelwe intuntuko shabo.+ Aba e bo Davidi+ na Samwele kasobela+ balaashike mu fifulo fyabo pantu bali ba cishinka.+
23 Kabili bena na bana babo e baleangalila impongolo sha ng’anda ya kwa Yehova, ne cikuulwa ca mushilo, ukuba abalinshi.+
24 Abalelinda impongolo bali ku mbali shine, ku kabanga,+ ku masamba,+ ku kapinda ka ku kuso+ na ku kapinda ka ku kulyo.+
25 Kabili bamunyinabo mu mishi yabo bali no kulaisa limo limo inshiku cinelubali (7)+ ku kuba pamo na bo.
26 Pantu abo bapeele imilimo pa mulandu wa kuba ne cishinka bali abaume bane aba maka pali bakalinda ba mpongolo. Bali bena Lebi, kabili e baleangalila imiputule ya kuliilamo+ no mwa kusungila ifipe+ mu ng’anda ya kwa Lesa wa cine.
27 Kabili ubushiku bonse baleba kulya mu mbali shonse isha ing’anda ya kwa Lesa wa cine; pantu e bakwete umulimo wa kulinda,+ kabili e balesakamana amakii, no kwisula ifiibi cila lucelo.+
28 Kabili bamo pali bena balesakamana ifipe+ balebomfya, pantu balefipenda pa kufingisha no kufipenda pa kufifumya.
29 Kabili bamo pali bena balaashikwe pa fipe na pa fipe fyonse ifya mushilo+ na pa buunga ubwapeleka+ na pa mwangashi+ na pa mafuta+ na pa fyanunkila+ na pa mafuta ya balsamu.+
30 Kabili bamo pa bana ba bashimapepo balepanga amafuta ayatikama+ ayatobenkanamo na mafuta ya balsamu.
31 Kabili umwina Lebi umo, Matitia, uwali ibeli lya kwa Shalumu+ umwina Kora, apeelwe umulimo wa kwangalila abalepanga umukate mu fipe fya kufumbikilamo.+
32 Kabili bamo pa bana ba bena Kohati, bamunyinabo, balesakamana umukate wa kutuntikanya,+ ukuupekanya cila sabata.+
33 Kabili aba e bali bakemba,+ abakalamba ba mu mukowa wa bena Lebi mu miputule ya kuliilamo,+ abashapeelwe imilimo imbi;+ pantu balebomba akasuba no bushiku.+
34 Aba e bali abakalamba ba mikowa ya bena Lebi ukulingana ne ntuntuko shabo, intungulushi. Aba e baleikala mu Yerusalemu.+
35 Kabili mu Gibeone+ e mo Yeiele, wishi wa kwa Gibeone, aleikala. Kabili ishina lya mukashi wakwe ni Maaka.
36 Kabili umwana wakwe, ibeli, ali ni Abdone, e lyo pakonka Suri na Kishi na Baali na Nere na Nadabu,
37 na Gedore na Ahio na Sekaria+ na Mikilote.
38 Lelo Mikilote ena, afyele Shimeamu. Kabili bena e baikele pa ntanshi ya bamunyinabo mu Yerusalemu pamo na bamunyinabo bambi.
39 Nere+ ena afyele Kishi;+ Kishi na o afyele Shauli;+ Shauli na o afyele Yonatani+ na Malkishua+ na Abinadabu+ na Eshbaali.+
40 Kabili umwana wa kwa Yonatani ali ni Merib-baali.+ Merib-baali ena afyele Mika.+
41 Kabili abana ba kwa Mika bali ni Pitone na Meleke na Taarea na Ahasi.+
42 E lyo Ahasi, afyele Yara; Yara na o afyele Alemete na Asimabete na Simri. Simri na o afyele Mosa.
43 Mosa ena afyele Binea, Binea na o afyele Refaya,+ Refaya na o afyele Eleasa, Eleasa na o afyele Asele.
44 Kabili Asele afyele abana mutanda (6), na aya e mashina yabo: Asrikamu, Bokeru na Ishmaele na Shearia na Obadia na Hanani. Aba e bali abana ba kwa Asele.+
