Inyimbo sha Bulanda 4:1-22
א [ʼAʹleph]
4 Iye ifyo golde iibeeka yashibantukila, golde iisuma!+Iye ifyo amabwe ya mushilo+ yasalangana pa makoona yonse aya misebo!+
ב [Behth]
2 Kumfwa abana baume aba kwa Sione abatemwikwa,+ abalingiilwe kuli golde iyalopololwa,Iye ifyo babatunga ati mitondo iikalamba, iyabumbwa ku minwe ya kwa nakabumba!+
ג [Giʹmel]
3 Bamumbwe bena bapeela utwana twabo ibele. Baonsha utwana twabo.Umwana mwanakashi wa bantu bandi abo munkalwe,+ nga bamwakatala mu matololo.+
ד [Daʹleth]
4 Ululimi lwa onka lwalambatila mu kanwa ku cilaka.+Abana balomba ifya kulya.+ Tapali nangu umo uwa kubapeela.+
ה [Heʼ]
5 Abalelya ifisuma bapeshiwa amano mu misebo.+Abo balelelela mu shakashika ce+ bafukatila imiina ya mito.+
ו [Waw]
6 Kabili ukukandwa kwa mwana mwanakashi uwa bantu bandi pa cilubo cakwe kwakula ukucila ukukandwa kwa kwa Sodomu pa lubembu lwakwe,+Uo bawishishe mu nshita fye iinono, kabili uushakwete na wa kumwafwa.+
ז [Zaʹyin]
7 AbaNasiri+ bakwe baali abasanguluka ukucila imfula ya bunga bunga;+ babuutile ukucila umukaka.
Na kuba bakashike+ ukucila bakorali; ukubeeka kwabo kwali ngo kwa safiri.+
ח [Chehth]
8 Imimonekele yabo yafiita ukucila icafiita fititi. Bafilwa ukubeshiba mu misebo.+Inkanda yabo yalambatila ku mafupa yabo.+ Yauma yaba fye nge cimuti icauma.
ט [Tehth]
9 Abafwila ku lupanga+ bawama ukucila abafwa ku cipowe,+Pantu aba bapomponteka, babalasa pa kubulwa ifisabo fya mwi bala.
י [Yohdh]
10 Iminwe ya banakashi ba nkumbu yaipika abana babo aba kuifyalila.+Basanguka ifya kulya fya cisansamushi ku muntu mu nshita ya kutobaulwa kwa mwana mwanakashi wa bantu bandi.+
כ [Kaph]
11 Yehova nafikilisha icipyu cakwe.+ Napongolola ubukali bwakwe ubulepya ngo mulilo.+Kabili nasonteka umulilo mu Sione, na o waoca umufula wakwe uwa kukuulapo.+
ל [Laʹmedh]
12 Imfumu sha pe sonde na bekashi bonse aba mu calo tabasumine+Ukuti icipondo no mulwani fikengila mu mpongolo sha ku Yerusalemu.+
מ [Mem]
13 Pa mulandu wa membu sha bakasesema bakwe, ifilubo fya bashimapepo bakwe,+Mu kati kakwe mwali abalepongolola umulopa wa balungami.+
נ [Nun]
14 Balulumba nge mpofu+ mu misebo.+ Bakantaikwa no mulopa,+Ica kuti takuli uwingekata ifya kufwala fyabo.+
ס [Saʹmekh]
15 “Tutalukeni! Natukowela!”+ e fyo babilikisha kuli bena. “Tutalukeni! Tutalukeni! Mwitwikatamo!”+Pantu tabakwete apa kwikala.+ Kabili balelulumba fye.+ Abantu mu nko batila: “Tabakabe kabili abalebeshi.+
פ [Peʼ]
16 Yehova umwine nabapaatukanya.+ Takaloleshe pali bena na kabili.+
Abantu tabakalangulukile nangu ni bashimapepo.+ Tabakabelele uluse na bakote.”+
ע [ʽAʹyin]
17 Ilyo tucilipo, amenso yesu yanaka ku kulolela ibusha aba kutwafwa.+Mu nshita ya kucebaceba twalolesha ku luko ulushingapususha.+
צ [Tsa·dhehʹ]
18 Bakonka umupitile intampulo+ shesu ica kuti twafilwa ukwenda mu mansa shesu.Impela yesu yapalama. Inshiku shesu shafikapo, pantu impela yesu yaisa.+
ק [Qohph]
19 Abaletukonka babutuka ukucila bakapumpe ba mu muulu.+Batukonka pa mpili cipyu cipyu.+ Batubelamina mu matololo.+
ר [Rehsh]
20 Umupu wa mu myona yesu,+ uwasubwa wa kwa Yehova,+ aikatwa mu cilindi cabo icikalamba,+Uo twatile: “Mu cintelelwe+ cakwe e mo tukabela no bumi mu nko.”+
ש [Sin]
21 Anga no kusamwa,+ we mwana mwanakashi Edomu,+ we wikala mu calo ca Usi.+Na pali iwe pakesapita kapu.+ Ukakolwa no kushala ubwamba.+
ת [Taw]
22 Icilubo cobe, we mwana mwanakashi Sione, capwa.+ Takakutwale muli bunkole na kabili.+Nalolesha pa filubo fyobe, we mwana mwanakashi Edomu. Nasokolola imembu shobe.+
