Yobo 11:1-20
11 E lyo Sofari umwina Naamati+ ayaswike no kutila:
2 “Bushe umuntu uulelanda ifingi te kuti bamwasuke,Nelyo bushe umuntu nga aleitutumuna ninshi ifyo alesosa nafilungama mwa?
3 Bushe bucilandelande bobe e bwingatalalika abantu,Kabili bushe wakulatumfya fye ukwabula uwa kukukalipila?+
4 Iwe utile, ‘Imyendele+ yandi ya cishinka,Kabili nalisanguluka+ mu menso yenu.’
5 Iye kanshi Lesa nga engasosaNo kukwasamwina akanwa kakwe!+
6 Kuti akulanga ne nkama ya mano yakwe,Pantu ififuma mu mano yene yene fya misango iingi.E lyo wingeshiba ukuti Lesa alalaba ifilubo fyobe fimo fimo.+
7 Bushe kuti wasanga ifyashika ifya kwa Lesa,+Nelyo bushe kuti waishiba apapela amano ya Wa Maka Yonse?
8 Yalisansama ukucila umuulu. Cinshi iwe wingacita?Yalishika ukucila Inshiishi.+ Cinshi wingeshiba?
9 Nga kuyapima yalilepa ukucila isonde,No kupabuka ukucila bemba.
10 Nga apita aisalila na umo mu cifungoNo kwita icilye, nani uwingamulesha?
11 Pantu ena alishiba aba bufi.+Ilyo amona icabipa, bushe teti abikeko amano?
12 No wacepelwa amano akamona umutima wa manoIlyo colwa wa mu mpanga afyala umuntu.
13 Nga iwe wawamya umutima obeNo kufungulwila kuli ena indupi shobe,+
14 Nga mu minwe yobe muli buncitatubi, ubutalushe,Kabili wileka ifyabipa fikale mu matenti yobe.
15 E lyo wingenuna icinso cobe ukwabula akalema+Kabili kuti wakoshiwa, no kutiina nakalya.
16 Pantu ukalaba ukucululuka;Ukakwibukisha nga menshi ayapita kale.
17 Ne nshiku sha bumi bobe+ shikabalika ukucila akasuba pa kati;Ukufiita kukaba ngo lucelo.+
18 E lyo kuti wacetekela pantu kuli isubilo;Kabili ukacebaceba—no kusendama umutelelwe.+
19 Kabili ukayolola, ukwabula no wa kukutiinya.Na bengi bakakulenga ukuba umuntu uwanakilila;+
20 Na menso ya babifi yakanaka;+Bakabula no kwa kufulumukila,+Ne subilo lyabo likaba ngo muntu uulefwa.”+
