Yobo 12:1-25
12 E lyo Yobo ayaswike no kutila:
2 “Cine cine imwe tamuluba,Na mano yakafwila pamo na imwe!+
3 Na ine wine nalikwata umutima wa mano+ nga imwe.Ine nshili uwapelela kuli imwe,+Kabili nani uushaishiba ifintu ifi?
4 Ndi muntu uusekwa+ ku banankwe,Ndilila kuli Lesa ukuti anjasuke.+Uo baseka e mulungami, kabili e wa kaele.
5 Mu matontonkanyo yakwe, uwaikala mu cibote apata ukulofiwa;+Kwateyanishiwilwa abatelententa.+
6 Mu matenti ya bapokolola ifipe muli icibote,+Kabili abakalifya Lesa bekala umutendeNgo muntu uwaleta kalesa mu minwe yakwe.+
7 Lelo, shi wipushe inama, na sho shilekufunda;+Ne fyuni fya mu lwelele, na fyo filekweba.+
8 Napamo bika amano ku fikulika, na fyo filekusambilisha;+Ne sabi lya muli bemba+ likakulondolwela.
9 Cinshi pali ifi fyonse icishaishibaUkuti iminwe ya kwa Yehova e yacita ifi,+
10 Uo mu minwe yakwe e mwaba umweo+ wa cipeema conseNo mupashi wa bantunse bonse?+
11 Bushe ukutwi takusala ifyo kumfwa+Ifyo akanwa+ kasonda ifya kulya?
12 Bushe amano tayaba mu bakote+No mucetekanya bushe tawisa pa mulandu wa kwikala inshiku ishingi?
13 Kuli ena e kwaba amano na maka;+Kuli ena e kwaba ukupanda amano no mucetekanya.+
14 Moneni! Alabongolola, ica kuti te kuti bakuule na kabili;+Esalila umuntu, pa kuti kwiba ukumwiswila.+
15 Moneni! Aleminika amenshi na yo yalakama;+Kabili alenga yafume, na yo yalula isonde.+
16 E wakwata amaka na mano yene yene;+Uulufyanya no ubepa bonse bakwe;+
17 Ensha abapanda amano ukwabula indyato,+Kabili alenga abapingushi ukuba abatumpa.
18 Ifyo bakakilako ishamfumu alakakula,+Akaka no mushipi mu misana ya shiko.
19 Ensha bashimapepo ukwabula indyato,+Apenuna na baikalisha;+
20 Alafumyako insoselo ku ba cishinka,No kupoka amano ya bakalamba;
21 Apongolola umusaalula pa bakankaala,+No mushipi wa ba maka alaunenuna;
22 Asokolola ifyashika ukufifumya mu mfifi,+No kulenga ulubuuto ukufiita fititi;
23 Alenga inko ukukula, pa kuti ashonaule;+Asalanganya inko, pa kuti ashitwale muli bunkole;
24 Apokolola amano ya ntungulushi sha bantu ba mu calo,Pa kuti shilubante mu mpanga,+ umushaba inshila.
25 Shipampanta mu mfifi,+ umushaba ulubuuto,Pa kuti shile-enda ngo ukolelwe.+
