Yobo 18:1-21
18 E lyo Bildadi umwina Shuhi ayaswike no kutila:
2 “Mukaleka lilali ukulanda?Mufwile ukwiluka, e lyo pa numa kuti twalandapo.
3 Nga kanshi cinshi ico mwatutungila ukuti tuli nama+No kutumona abashasanguluka mu menso yenu?
4 Uli ngo muntu uuleitaakanya ku bukali bwakwe.Bushe pa mulandu obe pano isonde pakalekeleshiwa,Nelyo bushe icilibwe casansuka cikafuma apo caikala?
5 Awe ulubuuto lwa babifi lukashima+No lusase lwa mulilo wakwe talwakabalike.
6 Ulubuuto lukashima mwi tenti lyakwe,+Ne nyali yakwe iilimo ikashima.
7 Intampulo shakwe isha maka shikepipa.No kupanda amano kwakwe kukamutandula.+
8 Pantu amakasa yakwe yakamutwala mwi sumbu,Kabili pa mukwau e po akenda.+
9 Ulukose lukamwikata ku citende;+Iciteyo+ cikamufyenta.
10 Umwando wa kumwikata wamubelamina pa nshi,Ne ca kumwikatilako caba mu nshila alepita.
11 Umwenso wa kupumikisha wamushinguluka no kumufulumuna,+Wamubutusha monse umo alenyanta.
12 Amaka yakwe yapwa ku nsala,No bucushi+ bwaiteyanya ku kumulenga ukusunta.
13 Ibeli lya mfwa likalya inkanda yakwe;Likalya ifilundwa fyakwe.
14 Ico acetekelamo bakacinukula mwi tenti lyakwe+Kabili cikamutwala ku mfumu ya mwenso.
15 Icishili cakwe cikekala mwi tenti lyakwe;Amabwe+ ya mingu bakayasalanganya pa bwikalo bwakwe.
16 Imishila yakwe ikoma mwi samba,+Na pa muulu, imisambo yakwe ikoma.
17 Tapali abakamwibukisha pano isonde,+Ne shina lyakwe talyakalumbulwe mu musebo.
18 Bakamufumya mu lubuuto no kumusunkila mu mfifi,Kabili bakamufulumunapo pano isonde.
19 Takabe na bana nangu abeshikulu mu bantu bakwe,+Kabili takwakabe uukashalapo mu ca kulebelamo cakwe.
20 Pa bushiku bwakwe aba ku Masamba bakapapa,Na ba ku Kabanga bakasunguka nga nshi.
21 Aya yeka e mekalo ya ncitatubi,Kabili ici e cifulo ca ushaishiba Lesa.”