Yobo 20:1-29
20 E lyo Sofari umwina Naamati ayaswike no kutila:
2 “Shi amalangulushi yandi yanjasuke,Pa mulandu wa kufuma kwa mutima mu nda yandi.
3 Ning’umfwa ukukonkomesha ukwa musaalula;Kabili umutima wandi uushiiluka e ulenjasuka.
4 Bushe walishiba ici inshita shonse,Ukufuma ilyo umuntu bamubikile pano isonde,+
5 Ukwaula kwa babifi kwa cimpelesha+No kusekelela kwa musangu kwa pa kashita kanono fye?
6 Nelyo ubukankaala bwakwe bwingafika mu muulu+No mutwe wakwe wafika mu makumbi,
7 Akaloba umuyayaya nga mafi yakwe;+Abalemumona bakatila, ‘Ali kwi?’+
8 Akoluka nge ciloto, kabili tabakamusange nakalya;Kabili bakamufulumuna kwati cimonwa ca bushiku.+
9 Ilinso ilyamumwene talyakamumone na kabili,+Ne cifulo cakwe tacakatale acimumona na kabili.+
10 Abana bakwe abaume bakapapaata abapiina,Ne minwe yakwe ikabwesesha abene ifyuma fyabo.+
11 Amafupa yakwe yaisulamo amaka ya ku bulumendo,Lelo yakalobela pamo nankwe mu lukungu.+
12 Icabipa nga calowa mu kanwa kakwe,Nga acisungulula pa lulimi lwakwe,
13 Nga acitemwisha no kukanacileka,Kabili acifubata mu kanwa kakwe,
14 Ica kulya cakwe cikaaluka mu nda yakwe;Cikaba indusha sha bangoshe mu kati kakwe.
15 Amina ifyuma, lelo akafiluka;Lesa akafifumya mwi fumo lyakwe.
16 Akoonka ubusungu bwa bangoshe;Ululimi lwe fwafwa lukamwipaya.+
17 Takamone imilonga,+Imimana ya buci no mukaka watikama.
18 Akabweseshamo ifyo anonkele kabili takafilye nakalya;Fikaba nge cuma ca mu bukwebo bwakwe, lelo takasangemo insansa.+
19 Pantu afyengelesha abapiina no kubalekelesha;Apoka ing’anda iyo ashakuulile.+
20 Awe takabe no mutende mu nda yakwe;Ifyuma fyakwe tafyakamupusushe.+
21 Tapali icashalako ica kuti alye;E ico icuma cakwe tacakatantalile.
22 Ilyo ifyuma fyakwe fyafula e lyo akasakamana;+Ubulanda bukamwishila na maka ya buko yonse.
23 Awe pa kwisusha ifumo lyakwe,Lesa akamutumina ubukali bwakwe+No kubupongolwela pali ena, mu mala yakwe.
24 Akafulumuka+ uwafwala ifya bulwi fya cela;Ubuta bwa mukuba bukamupulamo.
25 Umufwi ukamulasa ukufumina na ku numa yakwe,Ne canso cabeeka cikapula mu ndusha yakwe;+Ifya kutiinya fikamwishila.+
26 Imfifi yonse baisungila ukuti ikesekupa ifyuma fyakwe;Umulilo uo umuntu nangu umo ashakoseshe no kuputilisha ukamoca;+Ukapwishishisha no washalako mwi tenti lyakwe.
27 Umuulu ukasokolola ububi bwakwe,+Na pano isonde pakamwimina.
28 Ilyeshi likapomona ing’anda yakwe;Kukaba ifikapongololwa pa bushiku bwa bukali bwakwe.+
29 Ici e cilambu ca mubifi ukufuma kuli Lesa,+Kabili e cuma ico Lesa amuteyanishisha.”