Yobo 23:1-17
23 E lyo Yobo ayaswike no kutila:
2 “Na lelo kwasashila ukuilishanya+ kwandi;Ukuboko kwandi nakufina pa mulandu no kuteta kwandi.
3 Iye kanshi nga ningeshiba uko ningamusanga!+Kuti nafika ku cifulo cakwe ica pe.+
4 Nga natwala kuli ena umulandu,Kabili akanwa kandi nga kaisulamo ukupaasha;
5 Kuti naishiba amashiwi enganjasuka,Kabili kuti natontonkanya sana pa fyo alenjeba.+
6 Bushe kuti nalubulula no wakwatisha amaka?Awe iyo! Cine cine kuti ang’umfwa.+
7 Palya e po umulungami akakalulushanya nankwe,Kabili ine kapingula wandi akampokolola pe.
8 Moneni! Nga naya ku kabanga, taliko;Kabili nga nabwela, nshimumona;+
9 Nga naya ulubali ku kwa kuso uko abombela, nshimumona;Apaatukila ku kwa kulyo, lelo nshimumona.
10 Pantu alishiba bwino inshila njamo.+Nga anjesha mu mulilo, kuti nafumamo nga golde.+
11 Ulukasa lwandi lukonka mu ntampulo shakwe;Mu nshila yakwe e mo nde-enda, no kufumamo nshifumamo.+
12 Kwi funde lya ku milomo yakwe nshiselako.+Ndasunga ifyebo fya mu kanwa kakwe+ fyonse ukucila na pa cipope ico ampeele.
13 Kabili nga alola kumo, nani engamwalulula?+Ne co umutima wakwe wafwaya, e co acita.+
14 Pantu akafikilisha icipope conse ico ampeele,+Kabili ifyaba nge fi fyalifula kuli ena.
15 E mulandu wine nsakamanina ku cinso cakwe;Ndabikako sana amano no kumutiina.+
16 Pantu Lesa alenga umutima wandi ukufwa icipupu,+Kabili Uwa Maka Yonse alansakamika.+
17 Pantu nshaikala tondolo pa mulandu wa mfifi,Nangu pa mulandu wa kuti ukufiita fititi kwamfimba pa menso.