Yobo 24:1-25
24 “Nga cinshi Uwa Maka Yonse ashabikile inshita,+Nga cinshi abamwishiba bashimwena inshiku shakwe?+
2 Kwaba abatelula imipaka;+Bapoka imikuni ya mpaanga, pa kuti baiceme.
3 Impunda ya bana ba nshiwa balaisenda;Babuula ing’ombe ya kwa mukamfwilwa e yo bekatilamo.+
4 Bafumya abalanda mu nshila;+Awe abalanda ba pano isonde babelama.
5 Moneni! Nga bacolwa+ mu mpangaE fyo bafumina mu mulimo wabo, ku kufwaya ifya kulya.Iciswebebe capeela umo umo ifya kulya fya kuyapeela abana.
6 Mwi bala balobololamo ifya kulya fya nama,Balasenda bwangu bwangu ifyaba mwi bala lya myangashi ilya mubifi.
7 Ubushiku basendama ubwamba ababula ica kufwala,+Kabili abashaba ne ca kufimbana ku mpepo.+
8 Baboomba ku mfula iikalamba iya mu mpili,Na pa kubula umwa kuuba+ bakumbatila icilibwe.
9 Ababifi bafumpula inshiwa kwi bele,+Ne ca mulanda bapoka e co baikatilamo.+
10 Benda ubwamba ababula ifya kufwala,Kabili, pa kuba ne nsala, basenda imyanshi ya ngano.+
11 Pa kati ka fibumba fya mabwe e po bapita akasuba pa kati;Nelyo banyantaula umwa kukamina imyangashi, icilaka cilabekata.+
12 Mu musumba abalefwa balateta,Na balaswa ku lupanga balakuuta;+Lelo kuli Lesa wena ici caliba fye bwino.+
13 Ababifi bapondokele ulubuuto;+Tabaishibe inshila sha luko,Kabili tabaikele mu nshila sha luko.
14 Ku macaca uwipaya abantu aima,Aipaya umulanda no mupiina;+Kabili ubushiku aba umupuupu wine wine.+
15 Amenso ya mucende+ yalolela imfifi ya cungulo,+Atila no kuti, ‘Takuli amenso ayakamona!’+Kabili abika ne cifimbo ku cinso cakwe.
16 Umupuupu atula amayanda mu mfifi;Akasuba baiisalila.Tabaishiba ulubuuto.+
17 Kuli bena ulucelo cimo no kufiita fititi,+Pantu balishiba ifibalenga umwenso ificitika mu mfifi iyafiita fititi.
18 Alabutukisha pa muulu wa menshi.Impanga yabo ikatiipwa pano isonde.+Takaalukile mu nshila yalola ku mabala ya myangashi.
19 Icilala, ne cikabilila, fyapoka amenshi ya mfula;Ifyo Inshiishi ipoka ababembuka!+
20 Ifumo likamulaba, imititi ikamulya,+Takebukishiwe na kabili.+No bubifi bukafunaulwa nge cimuti.+
21 Acita ububi ku ng’umba iishifyala,Na kuli mukamfwilwa+ tacita icisuma.
22 Kabili ku maka yakwe akatamfya impalume;Akema nelyo ashaishiba ifikaba ubumi bwakwe.
23 Akamupeela umutende+ pa kuti aisunge;Na menso yakwe akalosha pa mibele yabo.+
24 Baba aba pa muulu akashita kanono, e lyo tabalipo,+Awe bababwesesha pa nshi;+ basendwa nga banabo bonse,Kabili batimpulwa nge mitwe ya ngano.
25 E ico nomba, nani alenshinina ukuti ndi wa bufiNelyo ukulanga ukuti ifyo ndesosa fya fye?”
