Yobo 26:1-14
26 E lyo Yobo na o ayaswike no kutila:
2 “Ifyo wayafwa uwabula amaka!Ifyo wapususha ukuboko ukushakosa!+
3 Ifyo wapanda amano uushaba na mano,+Na mano yene yene walenga ukwishibikwa ku cinabwingi!
4 Ni kuli nani walanda aya mashiwi,Kabili mupu wa kwa nani uwafuma muli iwe?
5 Abafwa balatutumaMwi samba lya menshi ne fyaikalamo.+
6 Inshiishi shaba fye pa mbilibili ku cinso cakwe,+Na ku Bulobe takwaba icifimbo.
7 Ayansa akapinda ka ku kuso pa mbilibili,+Akobeka ne sonde apashaba kantu;
8 Afunga amenshi mu makumbi yakwe,+Pa kuti ikumbi ilyafiitisha talilepwike mwi samba lya menshi;
9 Alacinga ku ntanshi ya cipuna cakwe ica bufumu,Ayansako ikumbi lyakwe.+
10 Ashingulusha icishilwa pa muulu wa menshi,+Ukufika ukwalekanina ulubuuto ne mfifi.
11 Inceshi sha muulu shapungaila,No kupapa ku kwebaula kwakwe.
12 Asunkenye bemba ku maka yakwe,+Na ku mano yakwe asansawile+ uusansa.*+
13 Alengele imyulu ukubengeshima ku mupu wakwe,+Ukuboko kwakwe kwalashile icisoka icibutukisha.+
14 Mona! Utu nalanda tunono fye utwa micitile yakwe,+Kabili tumfwa fye ukutepelesha kwakwe!Lelo ukubuluma kwakwe ukwa maka nani engakwiluka?”+
Amafutunoti
^ Uyu “uusansa” napamo kuti aba ni “shimweshimwe.”
