Yobo 27:1-23
27 E lyo Yobo abwekeshepo ukulanda amashiwi+ yakwe no kutila:
2 “Ndelapa Lesa,+ uwandubulwisha mu lufyengo,+Awe ndelapa Uwa Maka Yonse, uwanenga ubulanda,+
3 Ilyo umupu wandi ucili muli ine,No mupashi wa kwa Lesa uli mu myona yandi,+
4 Imilomo yandi tayakalande ububiNo lulimi lwandi talwakasose ubucenjeshi!
5 Te kuti mone imwe ukuti mwalilungama iyo!+Nshakaleke ukuba uwa kaele+ mpaka ne mfwa yandi!
6 Ubulungami bwandi nabwikatisha, kabili nshabulekeko;+Umutima wandi tawakanseebanye inshiku shandi shonse.+
7 Lekeni umulwani wandi abe umubifi mu nshila shonse,+No wansangukila abe ncitatubi ine ine.
8 Pantu umusangu aba ne subilo nshi,+Ilyo Lesa amuputula umweo?+
9 Bushe Lesa kuti aumfwa ukulilishika kwakweIlyo ubulanda bwamwishila?+
10 Atemwa bushe kuti asanga insansa mu Wa Maka Yonse?Bushe kuti alilila kuli Lesa inshita yonse?
11 Ndemusambilishisha ku kuboko kwa kwa Lesa;Nshamufise amatontonkanyo ya Wa Maka Yonse.+
12 Moneni! Imwe bonse mwacimona ifimonwa;Nga kanshi cinshi ico muleisangwila ifipumbu fyeka fyeka?+
13 Ici e cilambu ca mubifi kuli Lesa;+Kabili bakapokelela ubupyani bwa ba lucu ukufuma ku Wa Maka Yonse.
14 Abana bakwe nga bafula, bafulila ulupanga;+No bufyashi bwakwe tabwakabe ne fya kulya ifyakumanina.
15 Abantu bakwe abashalako bakashiikwa ilyo kukaba icikuko ca kulenga imfwa,Na bamukamfwilwa babo tabakabalooshe.+
16 Nangu alonganike silfere ngo lukungu,No kufusha ifya kufwala nge loba,
17 Kuti afifusha, lelo uwalungama e ukafifwala,+Kabili aba kaele e bakaakana silfere yakwe.
18 Akuula ing’anda yakwe nge cipelebesha ca bushiku,Kabili nge nsakwe+ iyasaka amalonda.
19 Akasendama umukankaala, lelo tapali icikalonganikwa;Akashibula amenso yakwe, lelo takamone nangu cimo.+
20 Ububi bwa kupumikisha bukamusanga nga menshi;+Icikuuku ca mwela cikamwiba ubushiku.
21 Umwela wa ku kabanga ukamusenda+ na o akaya,Kabili ukamupyanga ukumufumya pa ncende yakwe.+
22 Awe ukapuupa pali ena no kukanamulangulukila;+Akesha ukufyuka ku maka ya uko.+
23 Bakamukumpila indupi+No kumuwela+ ilyo bamutamfya pa ncende yakwe.
