Yobo 28:1-28
28 “Cine cine, kwaba incende ukusangwa silfereNo kusangwa golde iyo balopolola;+
2 Icela cifuma mu mushili+Na ku libwe e ko bengulula umukuba.
3 Apesha imfifi;Na ku mpela konse afwayafwayako+Ilibwe mu mfifi no mwafiita fititi.
4 Aimba icilongoma apatali ukufuma ukwikala abalebeshi,+Mu ncende umwa kuti ni kale amakasa yaendelemo;Abantunse abena kufwa bamo baya pa nshi, kabili balapeeleela fye.
5 Mu mushili e mufuma ifya kulya;+Lelo mwi samba lya uko, mwayalulwa nga ku mulilo.
6 Amabwe ayabamo e mwaba safiri,+No lukungu ululimo ni golde.
7 Inshila ilya—icuni iciswango+ tacaiishiba,Na menso ya kwa pungwa tayamonako.+
8 Inama mpanga ishikalamba tashanyantaulamo;Umusepela wa nkalamo tawapitako.
9 Atambalika ukuboko kwakwe ku libwe ilyakosesha;Apenuna impili ukufuma pa mashinte ya shiko;
10 Mu fimabwe ifikalamba e mo alepula impito sha menshi,+Na conse icauma umutengo amenso yakwe yalacimona.
11 Apanga icishiba pa ntulo ya mimana,+Ne cishimoneka acifumisha ku lubuuto.
12 Nomba amano—ni kwi bengayasanga,+Kabili ni kwi, kwingasangwa ukwiluka?
13 Umuntunse umwina kufwa taishiba umutengo wa yako,+Kabili tayasangwa mu calo ca ba mweo.
14 Itenga litila,‘Tayaba muli ine!’Bemba na o atila, ‘Tayaba kuli ine!’+
15 Golde iyalopololwa bwino te kuti ikaabulwemo amano,+Na silfere te kuti ibe e mutengo wa yako.
16 Te kuti bayashite muli golde ya ku Ofiri,+Nangu muli shohamu, ilibwe lyauma umutengo nangu ni muli safiri.
17 Golde ne kalashi te kuti fifikeko,Ne cipe conse ica golde iyalopololwa te kuti cikaabulwemo amano.
18 Pali bufi korali+ na krustali te kuti fifikeko,Awe umufuko umo uwa mano wacisha umufuko wa bamargariti.+
19 Te kuti yalingane na topashi+ ya ku Etiopia;*Nangu fye ni golde yalopololwa bwino bwino te kuti ifikeko.
20 Lelo amano—ni kwi yafuma,+Kabili ni kwi kwingasangwa ukwiluka?
21 Tayamoneka ku menso ya ca mweo conse,+Na ku fipupuka ifya mu lwelele yalibelama.
22 Ubonaushi ne mfwa fitila,‘Mu matwi yesu e mo twaumfwa ilyashi lya yako.’
23 Lesa eka e wailuka inshila ya mano,+Kabili ena eka e waishiba uko yasangwa,
24 Pantu alolesha na ku mpela sha pano isonde;+Pe samba lya muulu ponse alamona,
25 Pantu e upima ukufina kwa mwela,+Kabili alapima amenshi mu cipimo;+
26 Ilyo apangiile imfula icipope ca kukonka,+No kulanga icibulukutu inshila ya kubulukutilamo,
27 E lyo amwene amano no kuyalondolola;Aliyateyenye no kuyapenengamo.
28 Kabili atile ku muntunse,‘Mona! Ukutiina Yehova—e mano,+No kutaluka ku bubi e mucetekanya.’”+
Amafutunoti
^ Nangu “Kushi.”