Yobo 3:1-26
3 Pa numa ya ifi Yobo asukile alanda no kutiipwila ubushiku afyelwemo.+
2 E lyo Yobo atile:
3 “Lekeni kalobe akasuba nafyelwemo,+No bushiku ubo umuntu asoselemo ati, ‘Umwaume naimitwa!’
4 Akasuba kalya, lekeni kabe imfifi.Lesa mu muulu ebikako amano,Kabili ulubuuto lwisanikapo.
5 Lekeni imfifi ne cinshingwa cafiita fititi fikafimbe.Ikumbi lya mfula liikalepo.Ifikupikila akasuba fikalulunkanye.+
6 Ubushiku bulya—lekeni imfifi ibwikate;+Bwisansamukila pamo ne nshiku shimbi isha mu mwaka;Mu mpendwa ya myeshi bwi-ingilamo.
7 Lekeni! Ubushiku bulya bube ing’umba;Beaulamo utupundu.+
8 Lekeni babutiipe abalapisha akasuba,Abaipekenye ukubuusha Ing’wena.*+
9 Lekeni shifiite intanda sha ku macaca isha ubo bushiku;Lekeni bulolele ulubuuto lelo te lwa kumoneka;Kabili bwimona ukucelebuka kwa macaca.
10 Pantu tabwaiseleko ifiibi fya mu nda muli mayo,+Pa kuti bufise ubucushi ku menso yandi.
11 Nga cinshi ico nshafwilile fye pa kufuma mwi fumo?+Cinshi nshafumiine fye mu nda no kufwa apo pene?
12 Nga kanshi cinshi ico yansekelele amakufi,Na mabele+ aya kuti ndeonkako?
13 Pantu ino nshita nga nalisendama no kuba tondolo;+Nga nalilaala utulo; nga ndetuusha+
14 Pamo ne shamfumu na bakabilo ba pano isonde,+Abaikuulile ifintu ifyasanguka ifibolya,+
15 Nelyo pamo na bacilolo abali na golde,Abaiswishe silfere mu mayanda yabo;
16 Nelyo kanshi ifumo mayo anjimitemo nga lyaonaike fye,+Ngo tunya utushamona lubuuto.+
17 Kulya e ko ababifi baleka ukucula,+Kabili kulya e ko abafunshika batuusha.+
18 Kulya e ko abafungwa bekala umutende pamo;Tabomfwa ishiwi lya ulebapatikisha ukubomba.+
19 Kulya abapiina na bakankaala baba cimo cine,+Kabili e ko umusha alubuka kuli shikulu wakwe.
20 Nga cinshi ico Lesa apeelela ulubuuto ku ulecula,No mweo ku bashikitika imitima?+
21 Cinshi cabela ukuti abafwaya imfwa, tabaisanga?+Nangu baimba shani mu mushili ukufwaya imfwa ukucila ifyo bemba ku kufwaya ifyuma ifyashikama, tabaisanga.
22 Balasansamuka nga nshi,Balasekelela nga basanga apa kushiikwa.
23 Cinshi ico Lesa apeelela ulubuuto ku muntu, uo inshila yakwe ishimoneka,+Kabili uo abikila ifipindami?+
24 Pantu njisha icefu ilyo nshilalya ifya kulya,+Kabili ukuteta kwandi kumfwika nga menshi ayalepongoloka;+
25 Pantu icinenga umwenso e co ntiina, e cimponena;Ne co ntiina cilanjishila.+
26 Nshaikala ku matwi tondolo, nangu ukuba umutelelwe,Kabili nshituusha, lelo amacushi yena yalesa.”
Amafutunoti
^ Mu ciHebere paba ati, “Levyatani.”
