Yobo 36:1-33
36 Kabili Elihu akonkenyepo ukusosa ati:
2 “Ntekanishisha panono, na ine nalakwebaPantu ndi na fimbi ifya kulandilako Lesa.
3 Nalakolonganika amano ukufuma ukutali,Kabili ndi no kubilisha ukuti Kalenga wandi e mulungami.+
4 Pantu ifyo ndesosa fya cishinka te fya bufi iyo;Uwafikapo ukwishiba+ fyonse ali nobe.
5 Mona! Lesa wa maka+ kabili talekelesha umuntu;Alikwatisha amano;
6 Takaleke imbifi nangu imo ukupusuka,+Lelo abacushiwa akabapaala mu bupingushi.+
7 Takafumye amenso yakwe pa walungama;+Ne shamfumu ishaba pa fipuna fya bufumu+—Akashitekapo umuyayaya, na sho shikaba pa muulu.
8 Kabili nga babakaka mu makusu,+Nga baikatwa mu myando ya bucushi,
9 E lyo akabalondolwela imicitile yaboNa bumpulamafunde bwabo, pantu balaibililika.
10 Kabili akacilula amatwi yabo pa kuti bomfwe ukukonkomesha,+Kabili akasosa kuli bena ukuti baleke ukucita ifyabipa.+
11 Nga bamumfwa no kumubombela,Bakekala bwino inshiku shonse isha bumi bwaboKabili bakalasekelela imyaka yabo yonse.+
12 Lelo nga tabomfwile, bakafwila+ ku fyanso,+Kabili bakaleka umweo ababula ukwishiba.
13 Kabili abasangu mu mutima bakailetela ubukali.+Tabafwile ukukuuta mutuule pantu alibakaka.
14 Bakafwa bwaice bwaice,+No bumi bwabo bukapwila muli bacilende baume aba pe tempele.+
15 Akapokolola uwacushiwa ukumufumya mu bucushi bwakwe,Kabili akabacilukula amatwi ilyo balecushiwa.
16 Kabili akakubeleleka ukukufumya mu bulanda!+Ukekala pa ncende iikulu,+ te inono iyo,Ne fya kukusansamusha fikafula nga nshi pe tebulo lyobe.+
17 Ukasekelela ilyo umubifi+ apingulwa ukulingana ne milimo yakwe;Ubupingushi no bulungami fikalaitungilila.
18 Lelo cenjela epali wabelelekwa ku cipyu+ watendeka no kutoota misuula misuula,Kabili wileka ubukulu bwa cifuta mulandu+ bukulufye.
19 Bushe ukukuuta kobe mutuule kukomfwika?+ Iyo, takwakomfwike nangu fye ni mu bulandaNangu ubombeshe shani.+
20 Wilafulukisha ubushiku,Ilyo abantu na bantu bafuma apo bali.
21 Cenjela epali wayalukila kuli buncitatubi,+Pantu e co wasala ukucila ubucushi.+
22 Mona! Lesa alisumbuka pa mulandu wa maka yakwe;Ni kafundisha nshi uwingalingana nankwe?
23 Nani engamulubulwisha,+Kabili nani wingatila, ‘Walufyanya?+
24 Ibukisha ukuti ufwile ukukusha umulimo wakwe+Uo abantu balumbanya mu nyimbo shabo.+
25 Abantu bonse balaulolekesha;Umuntu umwina kufwa alolesesha ukutali.+
26 Mona! Lesa alisumbuka ukucila ifyo twaishiba;+Impendwa ya myaka yakwe te kuti ishibikwe.+
27 Pantu amatoni ya menshi+ alayakula;Yalasunguluka nge mfula kuli fubefube wakwe,
28 Na makumbi yalatonya amenshi,+Yalokesha abantu imfula.
29 Cine cine, nani engeluka ifyo ayansa amakumbi,Ifibulumo fya mu nsakwe yakwe?+
30 Mona! Ayansapo ulubuuto lwakwe,+Afimba na pa nshi ya bemba.
31 Pantu kuli ifi fine e ko apingwila abantu na bantu;+Apeela ifya kulya ifingi nga nshi.+
32 Indupi shakwe shafimba pa nkuba,Kwi shiwi fye eba inkuba ukuti iponene uusansa.+
33 Icibulukutu+ ca iko cileshimika pali ena,Ifitekwa na fyo fishimika ulwa uleisa.