Yobo 37:1-24
37 “Awe umutima wandi watutuma kuli ici,+Kabili waciluka wafuma apo waikala.
2 Kutikisheni ukubulukuta kwe shiwi lyakwe,+No kubuluma ukulefuma mu kanwa kakwe.
3 Akutuma monse mwi samba lya muulu,Ne nkuba+ yakwe, ifika ku mpela sha pano isonde.
4 Pa numa kwaumfwika icilulumo;Abulukutila+ ku cilulumo icapulamo,+kabili talesha inkuba shakwe, ilyo ishiwi lyakwe lyaumfwika.+
5 Lesa abulukutila kwi shiwi+ lyakwe mu cipesha amano,Acita ifikulu ifyo tushingeshiba.+
6 Pantu eba imfula ya bungululu bwabuuta ati, ‘Ponena pe sonde,’+Kabili ifyo fine e fyo eba ne mfula kabili imfula iifubauka.+
7 Pa kuboko kwa muntunse onse abikapo icifwatiPa kuti umuntu onse umwina kufwa eshibe umulimo wakwe.
8 Ne nama mpanga ingila umwa kulaala,No mwa kufisama e mo ikala.+
9 Mu muputule+ wa mu kati e mufuma icikuuku ca mwelaNa ku mwela wa ku kapinda ka ku kuso e kufuma impepo.+
10 Ku mupu wa kwa Lesa amenshi makaasa yalapangwa+Na menshi yalakambantana.+
11 Aisusha umutonshi mu makumbi,Ulubuuto+ lwakwe lwasalanganya ikumbi ilyatikama,
12 Kabili yalealulwa-alulwa pa kutungululwa na ena ku kubomba umulimo wa yakoKonse uko ayeba+ ukuya pano isonde ponse.
13 Napamo ku kukandilako,+ nelyo ku kutapilila icalo cakwe+Atemwa ku kulangilako icikuuku+ cakwe.
14 Umfwa ici, we Yobo;Iminina shilili no kubika amano ku fipesha amano fya kwa Lesa.+
15 Bushe walishiba ilyo Lesa abikile amafunde pali fyena,+Na lintu alengele inkuba ukusaamina mwi kumbi lyakwe?
16 Bushe walishiba ifyo amakumbi yeleela mu muulu,+Bushe walishiba ifipesha amano fya waba no kwishiba kwafikapo?+
17 Bushe walishiba icilenga ifya kufwala fyobe ukukabaIlyo pano isonde paba tondolo ukutendekela ku kapinda ka ku kulyo?+
18 Bushe kuti wamwafwako ukufungulula ulwelele+Ulwakosa ndi nge cilola icaengwa?
19 Lekeni twishibe ifyo tuli no kusosa kuli ena;Te kuti tutantike bwino ifyebo pantu tuli mu mfifi.
20 Bushe bamwebe ukuti ndefwaya ukulanda?Nangu tabamwebele akeshiba ukuti ndefwaya ukulanda.+
21 Abantu teti bamone ulubuuto ilyo kuli amakumbi;Lelo ilyo umwela wapita no kuyafumyamo,E lyo lubengeshima mu muulu.
22 Ku kapinda ka ku kuso kufuma ubukata bwa golde.Pali Lesa paba ubucindami+ bwa kutiinya.
23 Lelo Uwa Maka Yonse, tatwamwishiba ukufikapo;+Alisumbuka pa mulandu wa maka yakwe,+Kabili takasuuleko+ ku mulinganya+ na ku milimo yalungama.+
24 E ico abantu bamutiine.+Tabika amano kuli bonse abaimona ukuti ba mano.”+
