Yobo 7:1-21
7 “Bushe ku muntunse umwina kufwa pano isonde takwaba umulimo wa kupatikishiwa,+Kabili inshiku shakwe bushe tashaba nge sha mubomfi uubombela amalipilo?+
2 Ali ngo musha uupeemekesa ukufwayafwaya icintelelwe,+Kabili ngo mubomfi uulolela amalipilo yakwe.+
3 E fyo bampeele imyeshi ya kuyakashamo fye,+Kabili inshiku sha macushi+ balimpimine.
4 Nga nasendama ntila, ‘Bushe buleca lilali?’+Kabili ubushiku nga bwalepa, mfutauka fye mpaka ku matundaca.
5 Umubili wandi ulimo imititi+ yeka yeka ne fibulungwa fye loba;+Inkanda yandi yakakabala kabili ilefumya amafina.+
6 Inshiku shandi shilepita ulubilo+ ukucila ifyo icipikwilo ca kwa kapikula wa nsalu cipita,Kabili shipwa ukwabula isubilo.+
7 Ibukisheni ukuti umweo wandi waba ngo mwela;+Awe amenso yandi tayakamone ifisuma na kabili.
8 Amenso ya ulemona tayakamone na kabili;Mukalafwaya ukumona, lelo ine nshakabepo.+
9 Ikumbi lyasalangana, lyaya no kuya;E fyo no uletentemukila ku Nshiishi* takafumeko.+
10 Takabwelele kabili ku ng’anda yakwe,Ne ncende yakwe tayakamwishibe nakalya.+
11 Na ine nshakalame akanwa kandi.Nkalanda mu kucula kwa mutima wandi;Nkasakamana ukucula kwa mweo wandi!+
12 Bushe ndi bemba atemwa shimweshimwe wa muli bemba,Apo mwabika pali ine umupindo?+
13 Ilyo natile, ‘Umusengele wandi ulensansamusha,‘Ubusanshi bwandi bulefumyapo amasakamika yandi,’
14 E lyo mwanenga ukututuma ku filoto,Na ku fimonwa munenga ukuba no mwenso,
15 Ica kuti nasalapo ukupwilila,Nasalapo imfwa+ ukucila amafupa yandi.
16 Nakaana umweo;+ nshakekale no mweo umuyayaya.Ndekeni mbe, pantu inshiku shandi mupu.+
17 Umuntunse umwina kufwa+ wa nshi uo mukusha,Kabili wa nshi uo mubikako amano,
18 No kumupempula cila lucelo,No kumwesha cila nshita?+
19 Bushe tamwakafumye pali ine amenso yenu,+Nangu kundeka fye nkasuke mina amate yandi?
20 Nga nalibembuka, cinshi ningacita kuli imwe, mwe balinda abantu?+Nga cinshi ico mwambikila ica kulasapo, no kuleka mbe icisendo kuli imwe?
21 Kabili cinshi ico mushambelela uluse pa membu shandi+No kusuulako ku filubo fyandi?Pantu nomba mwi loba+ e mo nalasendama;E lyo mukamfwayafwaya, na ine nshakabepo.”
Amafutunoti
^ Moneni Icipande calenga 4 ica Ifyalundwako.