Yobo 8:1-22
8 E lyo Bildadi umwina Shuhi+ ayaswike no kutila:
2 “Bushe ukaleka lilali ukulanda ifi fintu,+Apo amashiwi ya mu kanwa kobe yali fye kwati mwela ukalamba?+
3 Bushe Lesa kuti apondamika ubupingushi,+Nelyo bushe Uwa Maka Yonse kuti apondamika ubulungami?+
4 Abana bobe nga balimubembukila,Na o abaleka balobolole ukulingana ne micitile yabo,
5 Na iwe nga wafwayafwaya Lesa,+Kabili nga wapapaata ku Wa Maka Yonse,
6 Nga wasanguluka no kuba umulungami,+Ukufika ino nshita nga alikupaalaNo kukubwesesha ubwikalo bobe ubwalungama.
7 Kabili intendekelo yobe nga yali iinono,Impelelekesho yobe yena kuti yakula nga nshi.+
8 Pantu shi ipusha ku nkulo yabalilepo,+No kusambililako ku fyo bashibo basangile.+
9 Pantu ifwe tuli ba mailo fye,+ abashaishiba nangu cimo,Pantu inshiku shesu pano isonde cinshingwa.+
10 Bushe bena te kuti bakufunde, bushe te kuti bakwebe,Kabili bushe te kuti bafumye ifyebo mu mitima yabo?
11 Bushe icinda+ lifufumuka apabula ulutikiti?Bushe amatete yamena apabula amenshi?
12 Ilyo ficili ifibishi, ifishatetwa,E fibalilapo ukuuma pa cani conse.+
13 E fyabe mpela ya bonse abalaba Lesa,+Ne subilo lyonse ilya musangu likaloba,+
14 Cilaputuka ico atetekelamo,Ne co asuubilamo lisumbu lya kwa tandabube.+
15 Akashintilila pa ng’anda yakwe, na yo tayakeminine;Akaikatilila, lelo tayakabelelele.
16 Apala icimenwa icaisulamo fye amenshi yeka yeka icili mu kasuba,Kabili mwi bala e mo imisambo ya ciko isalanganina.+
17 Pa mwina wa mabwe e papikana imishila ya ciko,Pa mabwe e paba ing’anda ya ciko.
18 Nga umuntu acinukula ukucifumya pa cifulo camena,+Icifulo camenapo cikakaana, aciti, ‘Nshakumonapo.’+
19 Mona! Uku e kupwa kwa nshila yakwe;+Na mu lukungu mwapuuka ifimenwa fimbi.
20 Mona! Lesa takapoose uwa kaele,Kabili takafwilishe incitatubi,
21 Mpaka akesushe inseko mu kanwa kobe,Mpaka ne milomo yobe ikaweleshe.
22 Abakupata bakafwala insoni,+Ne tenti lya babifi talyakabepo.”