Muli Baibo mwaliba amashiwi ya kwa Lesa ayo afwaya ukuti twishibe muno nshiku. Ilatusambilisha ifyo twingacita pa kuti ifintu filetuwamina mu mikalile yesu e lyo ne fyo twingacita pa kuti Lesa atutemwe. Ilasuka na mepusho yakonkapo:

Mu Baibo mwaba amabuuku ayalekanalekana 66. Aya amabuuku yaba mu fipande fibili: icipande ca kubalilapo, Malembo ya ciHebere ne ciAramaic (“Icipangano ca Kale”), e lyo icipande ca bubili Malembo ya ciGriki (“Icipangano Cipya”). Ibuuku limo na limo balilyakanya mu fipandwa ne fikomo. Nga balemba ilembo, inamba ya kubalilapo iikonkana ne shina lye buuku imininako icipandwa, e lyo inamba nangu amanamba ayakonkelepo yemininako icikomo nelyo ifikomo. Ku ca kumwenako, nga balemba ifi: Ukutendeka 1:1 ninshi balepilibula ukuti, Ukutendeka icipandwa 1, icikomo 1.